ଜି.ଉଦୟଗିରି: ସ୍ଥାନୀୟ ବ୍ଲକ ଅନ୍ତର୍ଗତ ପଣସବାଙ୍କୀ ବୁଲାଣିରେ ମଙ୍ଗଳବାର ଏକ ଆଜବେଷ୍ଟସ୍ ବୋଝେଇ ଟ୍ରକ ଓଲଟି ପଡିଛି। ଫଳରେ ଦୁଇ ଜଣ ଗୁରୁତର ଭାବେ ଆହତ ହୋଇଥିବା ଜଣାପଡିଛି।
ବିବରଣୀରୁ ପ୍ରକାଶ ଯେ, କେନ୍ଦୁଝରରୁ ଏକ ୧୪ଚକିଆ ଟ୍ରକ ନଂ ଓଡି ୦୭ ଏକେ ୦୬୩୭ ଆଜବେଷ୍ଟସ୍ ଧରି ସାରଙ୍ଗଗଡ଼ ଅଭିମୁଖେ ଯାଉଥିବା ବେଳେ ଜି.ଉଦୟଗିରି ବ୍ଳକ ଅନ୍ତର୍ଗତ ପଦାସାହୀ ଦୁଗୁଡି ନିକଟସ୍ଥ ପଣସବାଙ୍କୀ ବୁଲାଣିରେ ଭାରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ଟ୍ରକ ଚାଳକ ସଦାନନ୍ଦ ପ୍ରଧାନ(୪୫) ଓ ହେଲପର ଶାନ୍ତନୁ ନାୟକ(୧୯) ଗୁରୁତର ଆହତ ହୋଇଥିଲେ। ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହୀନୀ, ଆମ୍ବୁଲାନ୍ସ ପହଞ୍ଚି ଦୁଇ ଗୁରୁତରଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଜି.ଉଦୟଗିରି ପୁଲିସ ଦୁର୍ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।
