ନୂଆଦିଲ୍ଲୀ : ଫୁଜିୟାମା ଇଭି ନିଜ କ୍ଲାସିକ୍ ଇ-ସ୍କୁଟରର ବଜାର ପ୍ରବେଶ କରାଇଛି । ଏହି ସ୍କୁଟରର ଦାମ୍ ୭୯,୯୯୯ ଟଙ୍କା ରଖାଯାଇଛି । କମ୍ପାନୀର କହିବାନୁସାରେ ଏହି ସ୍କୁଟରକୁ ସମ୍ପୂର୍ଣ୍ଣ ଚାର୍ଜ କଲେ ୧୨୦-୧୪୦ କିଲୋମିଟର ପର୍ଯ୍ୟନ୍ତ ଯାତ୍ରା କରିପାରିବ । ଆପଣ ଏହାକୁ ୪୯୯ ଟଙ୍କା ଦେଇ ବୁକ୍ କରିପାରିବେ ।
ଫୁଜିୟାମା ଇଭି କ୍ଲାସିକ୍ ସ୍କୁଟରରେ ୩ ହଜାର ଓ୍ବାଟର ପିକ୍ ପାଓ୍ବର ମୋଟର ଦିଆଯାଇଛି । କମ୍ପାନୀ ଅନୁସାରେ ଏହାର ଟପ୍ ସ୍ପିଡ୍ ୬୦-୭୦ କିଲୋମିଟର ପ୍ରତି ଘଣ୍ଟା । ଏହି ସ୍କୁଟରରେ ଲିଥିୟମ୍ ଆୟନ ଫସଫେଟ୍ ବ୍ୟାଟେରୀ ଦିଆଯାଇଛି । ଏଥିରେ ଟ୍ବିନ୍ ବ୍ୟାରେଲ୍ ଲାଇଟ୍ସ ଏବଂ କମ୍ବି ଡ୍ରମ୍ ବ୍ରେକ୍ ଭଳି ଫିଚର୍ସ ଦିଆଯାଇଛି । କମ୍ପାନୀ କହିବାନୁସାରେ ଏହାର ବ୍ୟାଟେରୀ ସମ୍ପୂର୍ଣ୍ଣ ଚାର୍ଜ ହେବା ପାଇଁ ୪ ଘଣ୍ଟା ସମୟ ଲାଗିଥାଏ ।
