ଚୌଦ୍ୱାର: ଚୌଦ୍ୱାରସ୍ଥିତ ସ୍ୱେଚ୍ଛାସେବୀ ସଂଗଠନ ସ୍ୱାମୀ ବିବେକାନନ୍ଦ ସୋସିଆଲ ଡେଭେଲପମେଣ୍ଟ ଓ ରାଷ୍ଟ୍ରୀୟ ସ୍ୱୟଂ ସେବକ ସଂଘ ଚୌଦ୍ୱାର ଶାଖାର ମିଳିତ ଆୟୋଜନରେ କରୋନାରେ ପୀଡ଼ିତ ହୋଇ ଘରେ ଚିକିତ୍ସିତ ହେଉଥିବା ଗୁରୁତର ବ୍ୟକ୍ତିମାନଙ୍କ ପାଇଁ ମାଗଣାରେ ଅକ୍ସିଜେନ୍ ପ୍ରଦାନ ସେବାର ଶୁଭାରମ୍ଭ ହୋଇଛି। ସୋସିଆଲ ଡେଭେଲପମେଣ୍ଟର ଓଟିଏମ୍ କଲୋନୀସ୍ଥିତ କାର୍ୟ୍ୟାଳୟରେ ଏହି ଉପଲକ୍ଷେ ଆୟୋଜିତ କାର୍ୟ୍ୟକ୍ରମରେ ଚୌଦ୍ୱାର ଆଇଆଇସି ବିରଞ୍ଚି ନାରାୟଣ ପତି ଅତିଥି ଭାବେ ଯୋଗଦେଇ ଏହି ମହତ୍ ସେବାକାର୍ୟ୍ୟର ଶୁଭାରମ୍ଭ କରିଥିଲେ। ଏହି କାର୍ୟ୍ୟକ୍ରମ ମାଧ୍ୟମରେ ଚୌଦ୍ୱାର ସହରାଞ୍ଚଳ ଏବଂ ଟାଙ୍ଗୀ-ଚୌଦ୍ୱାର ବ୍ଲକ୍ ଅଞ୍ଚଳରେ ଅକ୍ସିଜେନ୍ ଦରକାର କରୁଥିବା କରୋନା ପୀଡି଼ତଙ୍କ ଘରେ ମାଗଣାରେ ଅକ୍ସିଜେନ୍ ସିଲିଣ୍ଡର ଯୋଗାଇ ଦିଆଯିବ ବୋଲି ସମ୍ପାଦକ ଅଶ୍ୱିନୀ କୁମାର ଜେନା ସୂଚନା ଦେଇଥିଲେ। ଏଥି ସହିତ ସଂଗଠନ ତରଫରୁ ମାସ୍କ, କରୋନା ଔଷଧ, ବିଶୋଧନ ସାମଗ୍ରୀ, ଗ୍ଲୋଭସ୍ ଆଦି ମଧ୍ୟ ପୀଡ଼ିତମାନଙ୍କୁ ମାଗଣାରେ ଯୋଗାଇ ଦିଆଯିବ ବୋଲି ଅନୁଷ୍ଠାନ ତରଫରୁ ସୂଚନା ଦିଆଯାଇଛି।
ପ୍ରଥମ ଦିବସରେ ସଂଗଠନର ସଦସ୍ୟମାନେ ୨ଜଣ ପୀଡ଼ିତଙ୍କ ଘରେ ଅକ୍ସିଜେନ୍ ସିଲିଣ୍ଡର ଯୋଗାଇ ଦେଇଥିଲେ। ସୋସିଆଲ ଡେଭେଲପମେଣ୍ଟର ସଭାପତି ଭାସ୍କର ଚନ୍ଦ୍ର ରାଉତରାୟଙ୍କ ପରିଚାଳନାରେ ଅନୁଷ୍ଠିତ ଏହି କାର୍ୟ୍ୟକ୍ରମରେ ଆରଏସ୍ଏସର ଜନ୍ମୋଜୟ ସାହୁ, ସୁରେଶ ଭୁୟାଁ, ଦେବାଶୀଷ ପ୍ରଧାନ, ଅଶୋକ ସାହୁ, ସନ୍ତୋଷ ବିଶ୍ୱାଳ ଓ ବିବେକାନନ୍ଦ ସୋସିଆଲ ଡେଭଲପ୍ମେଣ୍ଟର ପ୍ରତିଷ୍ଠାତା ସଦସ୍ୟ ଭୀମସେନ ବିଶ୍ୱାଳ, ସୁରେଶ ରାଉତରାୟ, କାହ୍ନୁ ଚରଣ ଜେନା, ମାନସ ପରିଡା, ରାଜକିଶୋର ସାମନ୍ତ, ସଂଜୀତ୍ ଦାସ ପ୍ରମୁଖ ସହଯୋଗ କରିଥିଲେ।
Comments are closed.