ମୁମ୍ବାଇ . – ଭାରତ ଖୁବ ଶୀଘ୍ର ବ୍ରଡବ୍ୟାଣ୍ଡ ପ୍ରଦାନ କାରୀ ଦେଶମାନଙ୍କ ମଧ୍ୟରେ ଶୀର୍ଷ ତିନି ମଧ୍ୟରେ ସ୍ଥାନ ପାଇବ ବୋଲି ମୁକେଶ ଅମ୍ବାନୀ କହିଛନ୍ତି । ଜିଓ ଦେଶରେ ଫାଇବର ବ୍ରଡବ୍ୟାଣ୍ଡ ସେବା ଆରମ୍ଭ କରିବାକୁ ଯାଉଛି । ୨୦୨୦ରେ ସାରାଭାରତରେ ଜିଓ ଫୋର ଜି ସେବା ପ୍ରଦାନ କରିବ ବୋଲି ରିଲାଏନ୍ସ ଇଣ୍ଡଷ୍ଟ୍ରିଜ୍ର ଅଧ୍ୟକ୍ଷ ମୁକେଶ ଅମ୍ବାନୀ କହିଛନ୍ତି । ଏବେ ଭାରତ ବିଶ୍ୱର ସର୍ବାଧିକ ମୋବାଇଲ ଡାଟା ବ୍ୟବହାରକାରୀ ଦେଶ ମଧ୍ୟରେ ସ୍ଥାନ ପାଇଛି । ଜିଓ ଯୋଗୁଁ ଲୋକ ମାଗଣା ଭଏସ୍ ଓ ଏସ୍ଏମ୍ଏସ୍ ସେବା ପାଇ ପାରୁଛନ୍ତି । ଏହା ସହ ଶସ୍ତାରେ ଇଣ୍ଟରନେଟର ସୁବିଧା ପାଉଛନ୍ତି । ଖୁବ ଶୀଘ୍ର ଅପଟିକାଲ ଫାଇବର ସାହାଯ୍ୟରେ ଘରମାନଙ୍କରେ ଅଲଟ୍ରା ହାଇସ୍ପିଡ ବ୍ରଡବ୍ୟାଣ୍ଡ ସେବା ଯୋଗାଇ ଦିଆଯିବ ବୋଲି ମୁକେଶ ଅମ୍ବାନୀ ସୂଚନା ଦେଇଛନ୍ତି ।
ଏବେ ଭାରତ ବ୍ରଡବ୍ୟାଣ୍ଡ ବ୍ୟବହାରରେ ବିଶ୍ୱରେ ୧୩୫ ତମ ସ୍ଥାନରେ ରହିଛି । ଜିଓର ଫାଇବର ବ୍ରଡବ୍ରାଣ୍ଡ ସେବା ଆରମ୍ଭ ହେଲେ ଭାରତ ଖୁବ ଶୀଘ୍ର ଶୀର୍ଷ ସ୍ଥାନରେ ପହଞ୍ଚିବ ବୋଲି ରିଲାଏନ୍ସ ଇଣ୍ଡଷ୍ଟ୍ରିଜ୍ର ଅଧ୍ୟକ୍ଷ ମୁକେଶ ଅମ୍ବାନୀ ସୂଚନା ଦେଇଛନ୍ତି । ଭାରତ ଆଶା ଓ ବିଶ୍ୱାସ ମଧ୍ୟରେ ବଞ୍ଚି ରହିଛି । ଜିଓଗିଗା ଫାଇବର ଆସିଲେ ଲୋକେ ଫୋରଜି ଓ ଫାଇଭ ଜି ସେବା ସହ ଘରେ ଉନ୍ନତମାନର ଓ୍ୱାଇଫାଇ ସେବା ପାଇ ପାରିବେ । ଇଣ୍ଡିଆ ମୋବାଇଲ୍ କଂଗ୍ରେସ ୨୦୧୮ରେ ମୁକେଶ ଅମ୍ବାନୀ ଏ ବିଷୟରେ ସୂଚନା ଦେଇଛନ୍ତି ।
