ଆଉ ମାତ୍ର ଗୋଟିଏ ଦିନ ପାଇଁ.. ଫ୍ଲିପ୍କାର୍ଟରେ ଜବରଦସ୍ତ ଅଫର୍, ଶସ୍ତାରେ ମିଳୁଛି ଆଇଫୋନ୍ ସହ ଏସବୁ ସ୍ମାର୍ଟଫୋନ୍..
ନୂଆଦିଲ୍ଲୀ : ଫ୍ଲିପ୍କାର୍ଟର ନୂଆ ସେଲ୍ ଆରମ୍ଭ ହୋଇ ସାରିଛି । ସେଲ୍ରେ ଅନେକ ସ୍ମାର୍ଟଫୋନ୍ରେ ଜବରଦସ୍ତ ଅଫର୍ ଦିଆଯାଉଛି । ଏହି ସେଲ୍ ୨୧ ନଭେମ୍ବର ପର୍ଯ୍ୟନ୍ତ ଚାଲୁ ରହିବ । ସେଲ୍ରେ ଆପଣଙ୍କୁ ଆଇଫୋନ୍ ୧୫, ୱାନ୍ପ୍ଲସ୍ ୧୨, ପୋକୋ ଏକ୍ସ ୬, ମୋଟୋ ଜି୮୫, ଗାଲେକ୍ସି ଏସ୨୩ ଭଳି ଅନେକ ଫୋନ୍ ସାମିଲ୍ ରହିଛି । ଏସବୁ ଫୋନ୍ ଖୁବ୍ ଶସ୍ତାରେ ମିଳୁଛି । ତେବେ ନୂଆ ଫୋନ୍ କିଣିବାକୁ ଇଚ୍ଛୁକ ଥିଲେ, ରିହାତି ଉପରେ ନଜର ପକାନ୍ତୁ ।
ଯଦି ଆପଣ ଆଇଫୋନ୍ ୧୫ କିଣିବାକୁ ଚାହୁଁଛନ୍ତି, ଏହି ଫୋନ୍ ଆପଣଙ୍କୁ ୫୭,୭୪୯ ଟଙ୍କାରେ ମିଳିବ । ଏହା ୧୨୮ ଜିବି ଷ୍ଟୋରେଜ୍ର ମଡେଲ୍ । ଏହାର ପ୍ରକୃତ ମୂଲ୍ୟ ୬୯,୯୦୦ ଟଙ୍କା । ମାତ୍ର ଫ୍ଲିପ୍କାର୍ଟରେ ଏହା ୧୨,୧୫୧ ଟଙ୍କା ଶସ୍ତାରେ ମିଳୁଛି ।
ନୂଆ ଆଇଫୋନ୍ ୧୬କୁ କିଣିବାକୁ ଚାହୁଁଥିଲେ, ଏହା ଆପଣଙ୍କୁ ୭୯,୯୦୦ ଟଙ୍କା ଖର୍ଚ୍ଚ କରିବାକୁ ପଡିବ । ଏଚଡିଏଫସି ବ୍ୟାଙ୍କ କ୍ରେଡିଟ୍ କାର୍ଡରେ ଇଏମଆଇରେ କିଣନ୍ତି, ତେବେ ୫ ହଜାର ଟଙ୍କା ଶସ୍ତାରେ ମିଳିବ । ସାମ୍ସଙ୍ଗ୍ ଗାଲେକ୍ସି ଏସ୨୩ର ଦାମ୍ ୪୧,୯୯୯ ଟଙ୍କା । ଗାଲେକ୍ସି ଏସ୨୪ର ଦାମ୍ ୫୯,୧୪୫ ଟଙ୍କା । ୱାନ୍ପ୍ଲସ୍ ୧୨ର ପ୍ରକୃତ ମୂଲ୍ୟ ୬୪,୯୯୯ ଟଙ୍କା । ମାତ୍ର ଫ୍ଲିପ୍କାର୍ଟ ସେଲ୍ରେ ୫, ୧୧୫ ଟଙ୍କା ଶସ୍ତାରେ ମିଳୁଛି ।
ପୋକୋ ଏକ୍ସ୬ ଫୋନ୍ ମଧ୍ୟ ଶସ୍ତା ହୋଇଯାଇଛି । ପ୍ରଥମେ ଏହାର ଦାମ୍ ୨୧,୯୯୯ ଟଙ୍କା ଥିଲା, ମାତ୍ର ବର୍ତ୍ତମାନ ଏହା ୧୮,୯୯୯ ଟଙ୍କା । ମୋଟୋ ଜି୮୫ର ଦାମ୍ ୧୭,୯୯୯ ଟଙ୍କା । ଯଦି ଆପଣ ଏଚଡିଏଫସି ବ୍ୟାଙ୍କ କ୍ରେଡିଟ୍ କାର୍ଡରେ ଇଏମଆଇରେ କିଣିବାକୁ ଚାହାଁନ୍ତି, ଏଥିରେ ୧୨୦୦ ଟଙ୍କା ଶସ୍ତାରେ ମିଳିବ । ଅର୍ଥାତ୍ ଆପଣଙ୍କୁ ଏହି ଫୋନ୍ ୧୬,୭୯୯ ଟଙ୍କାରେ ମିଳିବ ।
Comments are closed.