ଜୟପୁର: ଜୟପୁରରେ ଗୁଳିକାଣ୍ଡ ହୋଇଛି। ଏଥିରେ ବାପା ଓ ପୁଅ ଆହତ ହୋଇଛନ୍ତି। ଗୁରୁତର ପୁଅଙ୍କ ନାମ ସନ୍ତୋଷ ନାୟକ। ସନ୍ତୋଷଙ୍କ ପିଠିରେ ଗୁଳି ଲାଗିଛି। ତାଙ୍କୁ ଉଦ୍ଧାର କରାଯାଇ ପ୍ରଥମେ ଜୟପୁର ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ପରେ ତାଙ୍କୁ କୋରାପୁଟ ସହିଦ ଲକ୍ଷ୍ମଣ ନାୟକ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ତାଙ୍କ ବାପାଙ୍କୁ ମଧ୍ୟ ପଥରରେ ଛେଚି ଆକ୍ରମଣ କରାଯାଇଛି। ତାଙ୍କୁ ଚିକିତ୍ସା ନିମନ୍ତେ ଜୟପୁର ଚିକିତ୍ସାଳୟରେ ଭର୍ତ୍ତି କରାଯାଇଛି। ତେବେ ଗୁଳି ମାଡର କାରଣ ଜଣା ପଡି ନାହିଁ। ପୁଲିସ ଘଟଣାର ତଦନ୍ତ ଆରମ୍ଭ କରିଛି।
ସୂଚନାଯୋଗ୍ୟ ଯେ, ମଙ୍ଗଳବାରରେ ସନ୍ତୋଷ ଓ ତାଙ୍କ ବାପା ବାଇକରେ ଯାଉଥିଲେ। ସେହି ସମୟରେ ସନ୍ତୋଷଙ୍କ ଉପରକୁ ୫ଜଣ ଯୁବକ ହଠାତ୍ ଗୁଳି ଚଳାଇଥିଲେ। ଗୁଳିଟି ତାଙ୍କ ପିଠିରେ ଲାଗିଥିଲା। ଦୁବୃର୍ତ୍ତମାନେ ତାଙ୍କ ବାପାଙ୍କ ଉପରକୁ ଗୁଳି ଚଳାଇଥିଲେ ମଧ୍ୟ ସେ ଅଳ୍ପକେ ବର୍ତ୍ତି ଯାଇଥିଲେ। ପରେ ଦୁର୍ବୃତ୍ତମାନେ ତାଙ୍କୁ ପଥରରେ ଆକ୍ରମଣ କରିଥିଲେ।
