କଳାପଥର(ବାଙ୍କୀ) : କଟକ ଜିଲା ବାଙ୍କୀ ବ୍ଳକ ଅନ୍ତର୍ଗତ ଖଳିପଲ୍ଲୀ ଚଷା ସାହିରେ ଶନିବାର ଅଗ୍ନିକାଣ୍ଡ ଘଟି ୫ବଖରା ଘର ଜଳି ଯାଇଥିବା ଜଣାପଡ଼ିଛି। ଏଥିରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଥିବାର ଅନୁମାନ କରାଯାଉଛି। ସୂଚନା ମୁତାବକ, ଶୁକ୍ରବାର ରାତ୍ରି ୧୨ଟାରେ ଅଗ୍ନିକାଣ୍ଡ ଘଟି ଦୁର୍ଯୋଧନ ନାୟକ, ଦୁଃଶାସନ ନାୟକ, ଗଣେଶ୍ୱର ନାୟକ, ଅନ୍ତର୍ଯ୍ୟାମି ନାୟକଙ୍କ ସମୁଦାୟ ୫ ବଖରା ଘର ପୋଡ଼ି ପାଉଁଶ ହୋଇଯାଇଛି। ଏଥିରେ ଧାନ, ମୁଗ, ବିରି, କଂଶାବାସନ ସହ ଗୋଖାଦ୍ୟ ପୋଡି ପାଉଁଶ ହୋଇଯାଇଛି। ଯାହାର ମୁଲ୍ୟ ୧୦ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି। ବିଦ୍ୟୁତ୍ ସର୍ଟ ସର୍କ୍କିଟରୁ ଅଗ୍ନିକାଣ୍ଡ ଘଟିଥିବା କୁହାଯାଉଛି। କଳାପଥର ଅଗ୍ନିଶମ କେନ୍ଦ୍ରର ଲ୍ୟାଣ୍ଡ ଫୋନ ଖରାପ ଥିବାରୁ ସ୍ଥାନୀୟ ବାସିନ୍ଦା ସେଠାରେ ପହଞ୍ଚିଲା ପରେ ଖବର ପାଇ କଳାପଥର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିଲା ବେଳକୁ ୫ବଖରା ଘର ସମ୍ପୂର୍ଣ୍ଣ ପୋକ୍ଷି ଯାଇଥିଲା। ବୈଦ୍ୟେଶ୍ୱର ରାଜସ୍ୱ ନିରୀକ୍ଷକ କାର୍ଯ୍ୟାଳୟ ତରଫରୁ ତଦନ୍ତକରି ତୁରନ୍ତ ସରକାରୀ ସାହାଯ୍ୟ ସମେତ ବ୍ଳକ ତରଫରୁ ବିଜୁ ପକ୍କାଘର ଯୋଗାଇ ଦେବାକୁ ସମାଜସେବୀ ପୂର୍ଣ୍ଣଚନ୍ଦ୍ର ବେହେରା, ବିଜେଡ଼ି ଯୁବନେତା ଶୁଶାନ୍ତ କୁମାର ସାହୁ, ରମେଶ କୁମାର ସାହୁ, ପୂର୍ବତନ ସମିତି ସଭ୍ୟା ରମେଶ ପରିଡା, କୁଳମଣି ସାହୁଙ୍କ ସମେତ ଗ୍ରାମବାସୀ ଦାବୀ କରିଛନ୍ତି।
Popular Categories
Previous article
Next article