ଲକ୍ଷ୍ମୀପୁର : ସ୍ଥାନୀୟ ଲକ୍ଷ୍ମୀପୁର ସ୍ଥିତ ସାଙ୍ଗାନ୍ନା ଉଚ୍ଚ ବିଦ୍ୟାଳୟରେ ଭାରତୀୟ ରିଜର୍ଭ ବ୍ୟାଙ୍କ, ଭୁବନେଶ୍ୱର ଆନୁକୁଲ୍ୟରେ ଶନିବାର ବିତ୍ତିୟ ସାକ୍ଷରତା ସପ୍ତାହ ପାଳନ ଓ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଗୋଷ୍ଠୀ ଶିକ୍ଷାଧିକାରୀ କୈଳାସ ଚନ୍ଦ୍ର ବେହେରା ଆନୁଷ୍ଠାନିକ ଭାବେ ଏହାକୁ ଉଦଘାଟନ କରିଥିଲେ। ପ୍ରଧାନ ଶିକ୍ଷକ ଗୋପାଳ ମଣ୍ଡଳ ଏଥିରେ ସଭାପତିତ୍ବ କରିଥିଲେ। ଭୁବନେଶ୍ଵର ସ୍ଥିତ ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ବିନୋଦ କୁମାର ଦାସ, ଵିତ୍ତୀୟ ସମବେଷଣ ଓ ବିକାଶ ବିଭାଗ, ଭାରତୀୟ ରିଜର୍ଭ ବ୍ୟାଙ୍କ, ଭୁବନେଶ୍ୱର, ଶିବିରରେ ଉପସ୍ଥିତ ୨୫୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀଙ୍କୁ ବିତ୍ତୀୟ ସାକ୍ଷରତା ଉପରେ ସଚେତନ କରିଥିଲେ। ଅନଲାଇନ ଏବଂ ମୋବାଇଲ ବ୍ୟାଙ୍କିଙ୍ଗରେ କ’ଣ କରିବା ଓ କ’ଣ ନ କରିବା, ୟୁନିଫେଡ ପେମେଣ୍ଟ ଇଣ୍ଟର ଫେସ୍, କ୍ରେଡିଟ କାର୍ଡ, ଡେବିଟ କାର୍ଡର ବ୍ୟବହାର, ଗ୍ରାହକଙ୍କ ଦାୟିତ୍ଵ ବୋଧ, ଅନଧିକୃତ ଇଲେକ୍ଟ୍ରୋନିକ ବ୍ୟାଙ୍କିଙ୍ଗ ନିୟନ୍ତ୍ରଣ, ରିସ୍କ ବା ବିପଦ ବନାମ ଲାଭ ଉପରେ ବିଶେଷ ଭାବେ ସଚେତନ କରାଇବା ସହ ଛାତ୍ରଛାତ୍ରୀ ମାନଙ୍କ ଉଚ୍ଚ ଶିକ୍ଷା ପାଇଁ ସରକାରଙ୍କ ଦ୍ଵାରା ଦିଆ ଯାଉଥିବା ବିଦ୍ୟା ଲକ୍ଷ୍ମୀ ଯୋଜନାର ସତ୍ ଉପଯୋଗ ଉପରେ କହିଥିଲେ। ସେହିପରି ବେନାମୀ ସଂସ୍ଥା ଠାରୁ ଋଣ ନକରିବା, ଅନଲାଇନ ଠକେଇରୁ ବଞ୍ଚିବା ପାଇଁ ବିଭିନ୍ନ ଉପାୟ, ଆବଶ୍ୟକତା ଓ ଚାହିଦା ମଧ୍ୟରେ ପାର୍ଥକ୍ୟ ତଥା ଅନଲାଇନ ବ୍ୟାଙ୍କିଙ୍ଗ ସେବାର ସୁଯୋଗ ଉପରେ ସ୍ମାର୍ଟ୍ ବୋର୍ଡ ଜରିଆରେ ଭାରତୀୟ ରିଜର୍ଭ ବ୍ୟାଙ୍କ ପ୍ରବନ୍ଧକ ଶ୍ରୀ ଦାସ ପୁଙ୍ଖାନୁପୁଙ୍ଖ ଭାବେ ବୁଝାଇ ସଚେତନ କରିଥିଲେ। ଅନ୍ୟ ପକ୍ଷରେ ଲୋଭର ବଶବର୍ତ୍ତୀ ନହୋଇ ବେନାମୀ ସଂସ୍ଥାରୁ ଋଣ ନକରିବାକୁ ଅନୁରୋଧ ରଖିଥିଲେ। ଶିବିର ସକାଳ ୯ ରୁ ଆରମ୍ଭ ହୋଇ ୧୧ ଟାରେ ଶେଷ ହୋଇଥିଲା । ବିଜ୍ଞାନ ଶିକ୍ଷକ ଗୋଲକ ଚନ୍ଦ୍ର ଲେଙ୍କା ଶିବିର ପରିଚାଳନା କରିଥିବା ବେଳେ ଶିକ୍ଷକ ସପନ କୁମାର ଦିକ୍ଷୀତ, ଶଙ୍କର ଗୁଡୁମ୍ବକା, ସୁକାନ୍ତ ଯାଦବ, ଆଶୀର୍ବାଦ ନାୟକ, କସ୍ତୁରୀ ଶବର, ମାଧୁରୀ ଲେଙ୍କା, ଜୋସ୍ନା ପଣ୍ଡା, ସୁନିତା ସାହୁକାର, ପ୍ରିୟଙ୍କା ବିଶୋଇ, ରୋଜାଲିନ ସ୍ବାଇଁ ଓ ମମତା ମହାନ୍ତି ପ୍ରମୁଖ ଉପସ୍ଥିତ ଥିବା ବେଳେ, ନୂତନ ଚେଟି ଓ ରାଜେଶ୍ୱରୀ ମହାରଣା ଏଥିରେ ସହଯୋଗ କରିଥିଲେ।
Popular Categories
Previous article
Next article