ଭୁବନେଶ୍ବର: ଏଫ୍ଆଇଏଚ୍ ପୁରୁଷ ହକି ବିଶ୍ବକପ-୨୦୨୩ର ଅନ୍ୟତମ ଆୟୋଜନ ସ୍ଥାନ ଭାବେ ରାଉରକେଲା ସ୍ଥାନ ପାଇଛି। ରାଉରକେଲାରେ ନିର୍ମିତ ବିର୍ଶା ମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡ଼ିୟମରେ ହକି ବିଶ୍ବକପର କିଛି ମ୍ୟାଚ ଖେଳାଯିବ। ଏଠାରେ ୮ରୁ ୧୨ଟି ଲିଗ୍ ମ୍ୟାଚ ଖେଳାଯିବାର ଲକ୍ଷ୍ୟ ରହିଛି ବୋଲି ଏଫ୍ଆଇଏଚ୍ ସିଇଓ ଥେରି ୱେଲ୍ କହିଛନ୍ତି। ପ୍ରତିଯୋଗିତାରେ ମୋଟ ୨୪ଟି ଲିଗ୍ ମ୍ୟାଚ ଖେଳାଯିବ। ରାଉରକେଲାରେ ଏଥି ମଧ୍ୟରୁ ୧୨ଟି ମ୍ୟାଚ ଖେଳାଯିବାର ଯୋଜନା ରହିଛି। ଏଠାରେ ସମସ୍ତ ଦଳ ମ୍ୟାଚ ଖେଳିବା ନେଇ ଲକ୍ଷ୍ୟ ରହିଛି। ଖେଳାଳିମାନଙ୍କ ଯାତାୟତ ନେଇ ସ୍ବତନ୍ତ୍ର ଚାଟାର୍ଡ ବିମାନ ବ୍ୟବସ୍ଥା କରାଯିବ ବୋଲି ଥେରି କହିଛନ୍ତି। ରାଉରକେଲା ବିର୍ଶା ମୁଣ୍ଡା ହକି ଷ୍ଟାଡ଼ିୟମ ପ୍ରସ୍ତୁତି ବହୁତ ଭଲ ରହିଛି। ମୁଖ୍ୟ ଷ୍ଟାଡ଼ିୟମ ସହ ଦୁଇଟି ଅଭ୍ୟାସ ଗ୍ରାଉଣ୍ଡ ରହିଛି ବୋଲି ଥେରି କହିଛନ୍ତି।
Comments are closed.