ନୂଆଦିଲ୍ଲୀ : ସୋସିଆଲ ମିଡିଆରେ ଭାଇରା୍ଲ ହେଉଥିବା ଅନେକ ଭିଡିଓ ଆଶ୍ଚର୍ଯ୍ୟଚକିତ କରିବା ସହ ଭୟଭୀତ ମଧ୍ୟ କରିଥାଏ । ଏହାସହ କିଛି ଭିଡିଓରେ ବ୍ୟକ୍ତି ବିଶେଷଙ୍କ ଏଭଳି କିଛି ଦୃଶ୍ୟ ଦେଖିବାକୁ ମିଳିଥାଏ, ଯାହା ସହଜରେ ବିଶ୍ୱାସ କରି ହୋଇନଥାଏ । କୁହାଯାଏ, ଜଣେ ବାପା ନିଜ ଶିଶୁ ପାଇଁ ଯେକୌଣସି ବିପଦର ମଧ୍ୟ ସାମ୍ନା କରିଥାଏ । ଛୁଆଙ୍କ ଜୀବନ ବିପଦରେ ପଡିଥିବା ଦେଖି ସେମାନଙ୍କୁ ରକ୍ଷା କରିବା ପାଇଁ ନିଜ ଜୀବନକୁ ବିପଦରେ ପକାଇବାକୁ ଥରେ ମଧ୍ୟ ଚିନ୍ତା କରିନଥାଏ । ସୋସିଆଲ ମିଡିଆରେ ନିକଟରେ ଜଣେ ବାପାର ଏଭଳି ଏକ ଭିଡିଓ ଭାଇରାଲ୍ ହୋଇଛି, ଯାହା ସଭିଁଙ୍କ ଧ୍ୟାନକୁ ଆକର୍ଷିତ କରିବା ସହ ଭାବବିହ୍ୱଳ ମଧ୍ୟ କରୁଛି । ଭିଡିଓକୁ ଦେଖିଲେ ବାପା ହିଁ ପ୍ରକୃତ ହିରୋ ବୋଲି ନିଶ୍ଚୟ ବିଶ୍ୱାସ ହେବ । ଭାଇରାଲ୍ ଭିଡିଓଟି କିଛି ମାସ ତଳର ହେବ ବୋଲି କୁହାଯାଉଛି । ଭିଡିଓ ଦେଖି ସଭିଏଁ ବ୍ୟକ୍ତିଙ୍କ ପ୍ରଶଂସା ମଧ୍ୟ କରିଛନ୍ତି ।
ଭାଇରାଲ୍ ଭିଡିଓରେ ଦେଖିପାରିବେ, ଏକ ୩ ବର୍ଷର ଶିଶୁ କନ୍ୟା ଏକ ବଡ ଅଟ୍ଟାଳିକାର ୮ମ ମହଲାର ଝରକାରେ ଲଟକି ରହିଛନ୍ତି । ସେହି ଅଟ୍ଟାଳିକାର ତଳ ମହଲାରେ ଶିଶୁଟିର ବାପା ନିଜ ଛୁଆର ଜୀବନ ରକ୍ଷା କରିବାକୁ ଆଉ ଏକ ଝରକାରେ ଲଟକି ରହିଛନ୍ତି । ବ୍ୟକ୍ତି ଜଣକ ଅଫିସ୍ ଯିବାକୁ ପ୍ରସ୍ତୁତ ହେଉଥିବା ସମୟରେ ଶିଶୁଟି ଝରକାରେ ଲଟକି ରହିଥିବା ଦେଖିଥିଲେ । ଏହାପରେ ସେ ତୁରନ୍ତ ନିଜ ଛୁଆର ଜୀବନ ରକ୍ଷା କରିବାକୁ ଚେଷ୍ଟା ଆରମ୍ଭ କରିଥିଲେ । ଏହାପରେ ଧିରେ ଧିରେ ନିଜ ଛୁଆର ଜୀବନ ରକ୍ଷା କରିଥିବା ଦେଖିପାରିବେ । ଭିଡିଓ ଦେଖିବା ପରେ ଲୋକେ ଯୁବକଙ୍କର ଖୁବ୍ ପ୍ରଶଂସା ସହ ତାଙ୍କ ସାହସକୁ ମଧ୍ୟ ସଲାମ୍ କରିଛନ୍ତି । ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
