ତିଗିରିଆ : ତିଗିରିଆ କୃଷି ଓ କୃଷକ ସଶକ୍ତିକରଣ ବିଭାଗ ପକ୍ଷରୁ ପୂର୍ବ ଭାରତରେ ସବୁଜ ବିପ୍ଳବ ଯୋଜନା ଅନ୍ତର୍ଗତ କୃଷକ କ୍ଷେତ୍ର ଦିବସ ନିଜିଗଡ଼ସ୍ଥିତ କୃଷକ ଭବନ ପରିସରରେ ଶୁକ୍ରବାର ପାଳିତ ହୋଇଯାଇଛି । ବ୍ଲକ କୃଷି ଅଧିକାରୀ ସନାତନ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଖଣ୍ଡହତା ଓ ତେନ୍ତୁଳି ରଗଡି ଗ୍ରାମର ୧୦୦ ଜଣ ଚାଷୀଙ୍କୁ ଧାଡ଼ି ରୁଆ ଧାନ ଚାଷ ସମ୍ପର୍କରେ ସଚେତନ କରାଯାଇଥିଲା। ଏହା ସହିତ ବର୍ତ୍ତମାନର ଚାଷୋପଯୋଗୀ ଉନ୍ନତ ଜ୍ଞାନକୌଶଳର ବିନିଯୋଗ, ଧାଡ଼ିରୁଆ ଯୋଜନାରେ ଥିବା ବିଭିନ୍ନ ଆନୁଷଙ୍ଗିକ ବ୍ୟବସ୍ଥା ସମ୍ପର୍କରେ ଚାଷୀଙ୍କୁ ସଚେତନ କରାଯାଇଥିଲା। ଏହି କାର୍ଯ୍ୟକ୍ରମରେ ତିଗିରିଆ ଆତ୍ମା ଅଧ୍ୟକ୍ଷ ହରେନ୍ଦ୍ର ଦଳେଇ, ଆଠଗଡ କୃଷି ଜିଲ୍ଲା ଅଧିକାରୀ ପର୍ଶୁରାମ ବେହେରା, ପୂର୍ବତନ ବ୍ଲକ ଉପାଧ୍ୟକ୍ଷ ଗୌରହରି ପରିଡ଼ା, ସହକାରୀ କୃଷି ଅଧିକାରୀ ଦେବୀ ପ୍ରସାଦ ପୃଷ୍ଟି ପ୍ରମୂଖଙ୍କ ସହିତ କୃଷି ବିଭାଗର କର୍ମଚାରୀ ମାନେ ଉପସ୍ଥିତ ଥିଲେ।
Comments are closed.