ପାଟଣା : ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗା ଥାନା ଅଞ୍ଚଳ ହୀରାପଶି ଗ୍ରାମରେ ଆଜି ଏସପିଙ୍କ ନିର୍ଦ୍ଦେଶ କ୍ରମେ ତୁରୁମୁଙ୍ଗା ପୁଲିସ ଏପିଆର ପୁଲିସ ବଳଙ୍କୁ ନେଇ ଚଢ଼ାଉ କରିଥିଲା। ତୁରୁମୁଙ୍ଗା ଥାନାଧିକାରୀ ଧର୍ମେନ୍ଦ୍ର ଶାନ୍ତି, ଏସ ଆଇ ରସାନନ୍ଦ ନାଏକ ଓ ସୁରେଶ ସାହୁଙ୍କ ସହ ଥାନାର ଅନ୍ୟ ଅଧିକାରୀ ମାନେ ଏପିଆର ପୁଲିସ ବଳ ସହ ହୀରାପଶିରେ ଚାଲିଥିବା ଚୋରା ମଦ ଭାଟି ଉପରେ ଚଢାଉ ସମୟରେ ୨ଟି ମଦ ଭାଟି ଭାଙ୍ଗିବା ସହ ୫ଶହ କେଜିରୁ ଅଧିକ ମହୁଲପୋଚ ନଷ୍ଟ କରିଛନ୍ତି। ମଦ ଭାଟିରୁ ମଦ ରନ୍ଧା ସାମଗ୍ରୀ ଜବତ କରାଯିବା ସହ ମହୁଲି ମଦ ଥିବା ଏକ ବୋଲେରୋକୁ ପୁଲିସ ଜବତ କରିଛି। ବୋଲେରୋ ମାଲିକ ରମାକାନ୍ତ ମାଝୀ ଓ ତାହାର ସହଯୋଗୀ ମାନେ ପୁଲିସକୁ ଦେଖି ଘଟଣାସ୍ଥଳରୁ ଫେରାର ହୋଇଯାଇଥିଲେ। ଏନେଇ ଦଫା ୫୨(କ) ଓଡ଼ିଶା ଅବକାରୀ ଆଇନ ୨୦୦୮ ରେ ଥାନା ଏ.ଏସ.ଆଇ ବୀରେନ୍ଦ୍ର କିଶୋର ବେହେରା ମାମଲା ସଂଖ୍ୟା ୪/୨୦୨୫ ମୂଳେ ଘଟଣାର ତଦନ୍ତ କରୁଛନ୍ତି। ମୋଟ ୪୦ ଲିଟର ରନ୍ଧା ମଦ ଭାଟିରୁ ଜବତ କରାଯାଇଛି।
Popular Categories
Previous article
Next article