ପାତ୍ରପୁର: ଗଞ୍ଜାମ ଜିଲ୍ଲା ପାତ୍ରପୁର ବ୍ଳକର ପାହାଡ଼ ଉପର ଆଦିବାସୀ ଇଲାକା ଆଙ୍କୁଲିକୁ ରାସ୍ତା ଖୋଲିବା ପରେ ଆଜି ପୂର୍ବତନ ବାଚସ୍ପତି ଚିନ୍ତାମଣି ଦ୍ୟ।ନ ସାମନ୍ତରା ପହଞ୍ଚି ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଥିଲେ। ଶ୍ରୀ ସାମନ୍ତରା ପ୍ରଥମ ଥର ପାଇଁ ଆଙ୍କୁଲି ଗ୍ରାମରେ ପହଞ୍ଚି ଲୋକମାନଙ୍କ ସହିତ ଅଂଚଳର ଶିକ୍ଷା ସ୍ୱାସ୍ଥ୍ୟ ଚାଷ ବାସ ସମ୍ପର୍କରେ ପଚାରି ବୁଝିଥିଲେ। ଦୁର୍ଗମ ଆଙ୍କୁଲିକୁ ରାସ୍ତା ନିର୍ମାଣ ହୋଇଥିବା ବେଳେ ଏହି ରାସ୍ତାକୁ କୁରୁଗୁଡ଼ ବାଦୁଆ ଦେଇ ପାହାଡ଼ ଅପର ପାର୍ଶ୍ୱ ବୁରାତାଲ ପଞ୍ଚାୟତକୁ ରାସ୍ତା ସଂଯୋଗ କରାଗଲେ ଲୋକଙ୍କ ଯାତାୟତ ସୁବିଧା ହୋଇ ପାରିବ ବୋଲି ପ୍ରକାଶକ ରିଥିଲେ। ତାଙ୍କର ଗସ୍ତ ବେଳେ ଦୁଇ ଜଣ ପୂର୍ବତନ ସରପଞ୍ଚ ସୌଜନ୍ୟମୂଳକ ସାକ୍ଷାତ କରି ଆଦିବାସୀଙ୍କ ସମସ୍ୟା ସମ୍ପର୍କରେ ଆଲୋଚନା କରିଥିଲେ। ଆଗାମୀ ପଂଚାୟତ ନିର୍ବାଚନରେ ଏହି ପଂଚାୟତ ସରପଞ୍ଚ ପଦବୀ ଓବିସି ପାଇଁ ସଂରକ୍ଷିତ ଥିବା ନେଇ କେତେକ ଆଦିବାସୀ ଅସନ୍ତୋଷ ବ୍ୟକ୍ତ କରିଥିଲେ। ତାଙ୍କ ସହିତ ମନ୍ଦରଡାର କଂଗ୍ରେସ ନେତା ସୀମାଞ୍ଚଳ ପ୍ରଧାନ ଗସ୍ତ କରିଥିଲେ।
Popular Categories
Previous article
Next article