କୋଇଡ଼ା : ସୁନ୍ଦରଗଡ଼଼ ଜିଲାରେ ଚୋରାଚାଲାଣ ହେଉଛି ହଜାର ହଜାର କୋଟି ଟଙ୍କାର ବହୁ ମୂଲ୍ୟ ଖଣିଜ ସମ୍ପଦ। ଏ ନେଇ ଖବର ପ୍ରସାରଣ ହୋଇଆସୁଥିଲା। କୋଇଡ଼ାରେ ବେଧଡ଼କ ଭାବେ ଚୋରି ହେଉଥିଲା ମାଙ୍ଗାନିଜ ଖଣି। ଖବର ପ୍ରସାରଣ ପରେ ସାରା ରାଜ୍ୟରେ ଏନେଇ ଚର୍ଚ୍ଚା ଜୋର୍ ଧରିଥିଲା। ଏ ନେଇ ଉଚ୍ଚସ୍ତରୀୟ ତଦନ୍ତ ପାଇଁ ଏକ ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ ଗଠନ କରାଯାଇ ପ୍ରଥମେ ତେଲେନଡିହି କୋଇଲା ଚୋରାଚାଲାଣ, ଗଚ୍ଛିତ ଅଞ୍ଚଳର ତଦନ୍ତ ପରେ ଆଜି ସେହି ୯ଜଣିଆ ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ କୋଇଡ଼ାରେ ପହଞ୍ଚିଥିଲେ। ବାରମ୍ବାର ଅଭିଯୋଗ ହୋଇ ଆସୁଥିବା ବହୁମୂଲ୍ୟ ମାଙ୍ଗାନିଜ ଖଣି ଚୋରାଚାଲାଣ ଓ ଗଚ୍ଛିତ ଅଞ୍ଚଳକୁ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଟିମ୍ରେ ସହଯୋଗ କରିଥିଲେ କୋଇଡା ଖଣି ଉପନିର୍ଦେଶକ ଅସିତ କୁମାର ବେହେରା ଓ କୋଇଡା ବନାଞ୍ଚଳ ଅଧିକାରୀ ପ୍ରସନ୍ନ କୁମାର ପ୍ରଧାନ। କୋଇଡା ଖଣି ସର୍କଲର ମୁଟୁକୁଦର, ଗିଡେଇ, ଗଣୁଆ, ମାଲଦା, କଳମଙ୍ଗ, ପାନପୋଷିଆ, କେନାଭେଟା, ପାଟମୁଣ୍ଡା ଅଞ୍ଚଳରେ ପହଞ୍ଚି ବେଆଇନ ଖଣି, ଗଚ୍ଛିତ ଲୁହାପଥର କଞ୍ଚାମାଲ୍, ମାଙ୍ଗାନିଜ୍ ଆଦିର ଆକଳନ କରିବା ସହ ତଦନ୍ତ କରିଛନ୍ତି । ସୁନ୍ଦରଗଡ଼଼ ପରେ କୋଇଡ଼ାରେ ଏନଫୋର୍ସମେଣ୍ଟ ଟିମ୍ର ଚଢ଼ଉ ଘଟଣା ଚର୍ଚ୍ଚାର ବିଷୟ ହୋଇଛି ।
Popular Categories
Previous article
Next article