ସମାଜ ଡିଜିଟାଲ ଡେସ୍କ: ରାଜସ୍ଥାନରେ ପୁଣି ଥରେ ବିଦ୍ୟୁତ୍ ବିଭାଗର ବଡ ଖବର ସାମ୍ନାକୁ ଆସିଛି । ରାଜସ୍ଥାନର ୨୯ ବିଧାୟକ ଏବଂ ଜଣେ ମନ୍ତ୍ରୀଙ୍କ ବିଲ୍ ବାକି ପଡିଥିବା ଖବର ସାମା୍ନକୁ ଆସିଛି । ସମୁଦାୟ ୩୦ଜଣଙ୍କ ଲକ୍ଷ ଲକ୍ଷ ଟଙ୍କାର ବିଦ୍ୟୁତ୍ ବିଲ୍ ବାକି ପଡିଛି । ଏହା ବହୁ ମାସ ଧରି ପରିଶୋଧ ହୋଇନଥିବା ମଧ୍ୟ ଜଣାପଡିଛି । ତେବେ ଏଠାରେ ପ୍ରଶ୍ନ ଉଠିଛି ଯେ ଭିଆଇପିଙ୍କ ବିଦ୍ୟୁତ ମିଟର କଣ ଅଲଗା ଭାବେ କାଲେ କି? ସରକାରୀ ନିୟମ କେବଳ ସାଧାରଣ ଲୋକଙ୍କୁ ଝଟକା ଦେବା ଲାଗି ହୋଇଛି କି?
ରାଜସ୍ଥାନ ସରକାରରେ ଯେଉଁ ବିଧାୟକ ଏବଂ ମନ୍ତ୍ରୀଙ୍କ ବିଲ୍ ବାକି ରହିଛି ସେମାନଙ୍କ ନାମ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ୨୯ଜଣ ବିଧାୟକଙ୍କୁ ୩୦ଲକ୍ଷ ବିଲ ଦେବାକୁ ପଡିବ । ଏଥିରେ ଶାସକ ଦଳ ବିଜେପିର ୧୬ଜଣ ଏବଂ କଂଗ୍ରେସର ୯ଜଣ ବିଧାୟକ ରହିଛନ୍ତି । ଭାରତ ଆଦିବାସୀ ପାର୍ଟିର ୨ଜଣ ଏବଂ ସ୍ୱାଧୀନ ବିଧାୟକ ୨ଜଣ ରହିଛନ୍ତି । ଏହି ଖିଲାପୀଙ୍କ ତାଲିକା ମଧ୍ୟ ପ୍ରସ୍ତୁତ କରାଯାଇଛି । କିନ୍ତୁ ସେମାନଙ୍କର ବିଦ୍ୟୁତ ସଂଯୋଗ କାଟିବା ତ ଦୂରର କଥା, ବିଦ୍ୟୁତ୍ ବିଭାଗ ଆଜି ପର୍ଯ୍ୟନ୍ତ ସେମାନଙ୍କୁ ବକେୟା ରାଶି ଆଦାୟ ପାଇଁ ନୋଟିସ୍ ପଠାଇବାକୁ ସାହସ କରିନାହିଁ ।
