ନୂଆଦିଲ୍ଲୀ : ଉତ୍ତରାଖଣ୍ଡର ଉତ୍ତରକାଶୀ ସହରରେ ଗୁରୁବାର ୨ ଥର ଭୂମିକମ୍ପ ଝଟକା ଅନୁଭୂତ ହୋଇଛି। ପ୍ରଥମ ଝଟକା ସକାଳ ୧୧ଟା ୨୩ ମିନିଟ୍ରେ ଅନୁଭୂତ ହୋଇଥିଲା। ରିଆକ୍ଟର ସ୍କେଲରେ ଏହାର ତୀବ୍ରତା ୨.୮ ରେକର୍ଡ କରାଯାଇଛି। ପ୍ରାୟ ଅଧ ଘଣ୍ଟା ପରେ ଦିନ ୧୧ଟା ୫୮ ମିନିଟ୍ରେ ଦ୍ୱିତୀୟ ଝଟକା ଅନୁଭୂତ ହୋଇଥିଲା। ରିଆକ୍ଟର ସ୍କେଲରେ ଏହାର ତୀବ୍ରତା ୩.୫ ରେକର୍ଡ କରାଯାଇଛି। ଭୂମିକମ୍ପର କେନ୍ଦ୍ରସ୍ଥଳ ଡୁଣ୍ଡାଠାରେ ଭୂଗର୍ଭର ୫ କିଲୋମିଟର ତଳେ ଥିବା ଚିହ୍ନଟ କରାଯାଇଛି।
ଜିଲାପାଳ ଆଶିଷ ଚୌହାନଙ୍କ କହିବା ଅନୁସାରେ ସବୁ ତହସିଲରୁ କ୍ଷୟକ୍ଷତିର ରିପୋର୍ଟ ମଗାଯାଇଛି। ତେବେ ଏଥିରେ କାହାର ମୃତାହତ ହେବାର ସୂଚନା ମିଳିନାହିଁ। ତେବେ ଉଦ୍ଧାରକାରୀ ଦଳ, ଆଇଆରଏସ୍ର ଅଧିକାରୀ, ଜିଲାରେ ସମସ୍ତ ହସ୍ପିଟାଲ କର୍ତ୍ତୃପକ୍ଷଙ୍କୁ ସତର୍କ ରହିବାକୁ କୁହାଯାଇଛି। ଆମ୍ବୁଲାନ୍ସକୁ ସକ୍ରିୟ ରଖିବାକୁ ନିର୍ଦେଶ ଦିଆଯାଇଛି।
