ଝାରସୁଗୁଡା: ଇବ୍ ନଦୀ ଉପରମୁଣ୍ଡରେ ଲଗାଣ ବର୍ଷା ଯୋଗୁଁ ଜଳସ୍ତର ବୃଦ୍ଧି ପାଇଛି। ଏଥିରେ ଜଣେ ଶ୍ରମିକ ଭାସିଯାଇ ନିଖୋଜ ଅଛନ୍ତି । ଶ୍ରମିକ ଜଣକ ହେଲେ ଜଗବନ୍ଧୁ ଜଗତ(୪୭) ଓ ସେ ଇବ୍ ଗ୍ରାମର ବାସିନ୍ଦା ବୋଲି ଜଣାପଡ଼ିଛି।
ସୂଚନାଯୋଗ୍ୟ, ଆଜି ସକାଳେ ବ୍ରଜରାଜନଗର ଇବ୍ ନଦୀ ଉପରେ ନିର୍ମାଣଧୀନ ତୃତୀୟ ରେଳ ଲାଇନରେ କାମ କରୁଥିବା ଜଣେ ଶ୍ରମିକ ଜଳସ୍ରୋତରେ ଭାସି ଯାଇଥିଲେ । ଖବରପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି । ଏଯାବତ୍ ନିଖୋଜ ବ୍ୟକ୍ତିଙ୍କ କୌଣସି ପତ୍ତା ମିଳି ନଥିବା ସୂଚନା ରହିଛି ।