ଶ୍ରୀମନ୍ଦିର ଉପରେ ପୁଣି ଉଡ଼ିଲା ଡ୍ରୋନ୍

ପୁରୀ : ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍ । ଆଜି ସନ୍ଧ୍ୟାରେ ନୀଳଚକ୍ର ଉପରିଭାଗ ଓ ପରିକ୍ରମା ମାର୍ଗ ଉପରେ ଏକ ଡ୍ରୋନ୍ ପ୍ରାୟ ୨୫ ମିନିଟ୍ ଧରି ଉଡିଥିଲା । ଡ୍ରୋନଟି କେଉଁଠୁ ଉଡାଯାଇଛି ଏବଂ କିଏ ଉଡାଇଛି ସେନେଇ କିଛି ସ୍ପଷ୍ଟ ସୂଚନା ମିଳିପାରିନି । ଗତ ୫ ଜାନୁୟାରୀରେ ଡ୍ରୋନ୍ ଉଡିବା ପରେ ଏହାକୁ ଗୁରୁତର ସହ ନେଇଥିଲା ପ୍ରଶାସନ । ତଥାପି ବାରମ୍ବାର ଏମିତି ଘଟଣା ଘଟିବା ଫଳରେ ସାଧାରଣରେ ଅସନ୍ତୋଷ ପ୍ରକାଶ ପାଉଛି  ।