ରାୟଗଡା: କାୟା ମେଲାଉଛି ଡପଥେରିଆ। ସଂକ୍ରମଣରେ ବ୍ରେକ୍ ଲଗାଇବାକୁ ଆଜିଠୁ ରାୟଗଡା ଜିଲ୍ଲା କାଶୀପୁର ବ୍ଲକରେ ଆରମ୍ଭ ହେବ ବୁଷ୍ଟର ଡୋଜ୍ ଟିକାକରଣ। ୧ ବର୍ଷ ଶିଶୁଙ୍କୁ ପେଣ୍ଟାଡୋଜ୍ ଓ ୫ରୁ ୧୫ ବର୍ଷଙ୍କୁ ଟିଡି ଡୋଜ୍ ଦିଆଯିବ। ରାୟଗଡାରୁ ଆରମ୍ଭ ହୋଇଥିବା ସଂକ୍ରମଣ ଏବେ କୋରାପୁଟ ଏବଂ କଳାହାଣ୍ଡି ଜିଲ୍ଲାକୁ ବ୍ୟାପିଲାଣି। ତେଣୁ ଚିନ୍ତା ବଢୁଛି। ୩ ସଂକ୍ରମିତ ଜିଲ୍ଲାରେ ସ୍ଵାସ୍ଥ୍ୟ ବିଭାଗର ଏକ ଟିମ୍ ଗାଁ ଗାଁ ବୁଲି ସ୍ଥିତି ଅନୁଧ୍ୟାନ କରୁଛନ୍ତି। ଏ ଯାଏଁ ଡିପଥେରିଆ ନେଲାଣି ୫ଜଣଙ୍କ ଜୀବନ। ଚିହ୍ନଟ ହେଲେ ୨୧ ସନ୍ଦିଗ୍ଧ ଆକ୍ରନ୍ତ। କାଶୀପୁର ବ୍ଲକରୁ ୧୫ ଆକ୍ରନ୍ତ ଚିହ୍ନଟ ହୋଇଛନ୍ତି। କୋରାପୁଟ ବନ୍ଧୁଗାଁରୁ ଜଣେ ଏବଂ କଳାହାଣ୍ଡି ଜିଲ୍ଲାରୁ ୪ରୁ ୫ ଜଣ ଚିହ୍ନଟ ହୋଇଥିବା ସୂଚନା ମିଳିଛି।ଜନସ୍ଵାସ୍ଥ୍ୟ ନିର୍ଦେଶକ କହିଛନ୍ତି ଆଣ୍ଟିବାୟୋଟିକ୍ ଦ୍ଵାରା ଡିପଥେରିଆ ମୂଳପୋଛ ହୋଇପାରିବ। ଯେହେତୁ ଏହା ବାୟୁବାହିତ ରୋଗ, ତେଣୁ ଲୋକମାନଙ୍କୁ ମାସ୍କ ପିନ୍ଧିବାକୁ ଅପିଲ୍ କରାଯାଇଛି।
Popular Categories
Previous article
Next article