ଢେଙ୍କାନାଳ: ଢେଙ୍କାନାଳ ଜିଲା ମେରାମଣ୍ଡଳୀ ସ୍ଥିତ ଟାଟା ଷ୍ଟିଲ ପ୍ଲାଣ୍ଟରେ ମଙ୍ଗଳବାର ଏକ ବଡ଼ଧରଣର ଦୁର୍ଘଟଣା ଘଟିଛି। ଫେଜ୍ ୨ର ବିଏପିପି-୨ ପାୱାରପ୍ଲାଣ୍ଟରେ ଷ୍ଟିମ୍ ପାଇପ୍ ଲାଇନ୍ ବିସ୍ଫୋରଣ ଘଟି ୧୯ ଜଣ କର୍ମଚାରୀ ଗୁରୁତର ହୋଇଥିବା ସୂଚନା ମିଳିଛି। ଷ୍ଟିମ୍ ପାଇପ୍ ଫାଟିଯିବାରୁ କର୍ମଚାରୀମାନେ ଗରମ ପାଣିରେ ପୋଡ଼ି ଯାଇଛନ୍ତି। ଶ୍ରମିକମାନଙ୍କୁ ଗୁରୁତର ଅବସ୍ଥାରେ ପ୍ରଥମେ ଟାଟା ଷ୍ଟିଲ ଫାଷ୍ଟ ଏଡ୍ ଚିକିତ୍ସାଳୟକୁ ନିଆଯାଇଥିଲା। ସେଠାରେ ପ୍ରାଥମିକ ଚିକିତ୍ସା ପରେ ସେମାନଙ୍କୁ କଟକର ଏକ ଘରୋଇ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ତେବେ ୧୯ ଜଣଙ୍କ ମଧ୍ୟରୁ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡ଼ିଛି। ଅପରପକ୍ଷେ, କାରଖାନାକୁ ସିଲ୍ କରାଯାଇ ଘଟଣାର ତଦନ୍ତ ଚାଲିଛି।
Comments are closed.