ଧାମରା : ଭଦ୍ରକ ଅବକାରୀ ବିଭାଗ ଏବଂ ବାଂଶଡା ପୁଲିସର ମିଳିତ ଚଢାଉ ଆରମ୍ଭ ହୋଇଛି। ଆଜି ପ୍ରଥମ ଦିନରେ ଏହି ମିଳିତ ଚଢାଉରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ୫୨ପେଟି ମଦ ଜବତ ହୋଇଛି। ପ୍ରାପ୍ତ ଖବରରୁ ଜଣାଯାଇଛି ବାଂଶଡା ଥାନା ଅଧିନସ୍ଥ ଘଂଟେଶ୍ୱର ବଜାର ଠାରେ ଥିବା ଲେଙ୍କା ହୋଟେଲରେ ଦୀର୍ଘ ଦିନ ହେବ ଏହି ଚୋରା ମଦ ବେପାର ଚାଲି ଆସୁଥିଲା। ଏହି ଖବର ଭଦ୍ରକ ଅବକାରୀ ଆରକ୍ଷୀ ଅଧୀକ୍ଷକ , ଆରକ୍ଷୀ ଅଧୀକ୍ଷକ ଏବଂ ଜିଲ୍ଲାପାଳଙ୍କ ଠାରେ ମଧ୍ୟ ଅଭିଯୋଗ ହୋଇଥିଲା। ଜିଲ୍ଲାପାଳଙ୍କ ନିର୍ଦେଶରେ ଆଜି ଚାନ୍ଦବାଲି ତହସିଲଦାର ସୁଶାନ୍ତ ସୂତାରଙ୍କ ଉପସ୍ଥିତିରେ ବାଂଶଡା ଥାନା ପୁଲିସ ଏବଂ ଅବକାରୀ ବିଭାଗର ମିଳିତ ଚଢାଉ ସଂପୃକ୍ତ ମଦ ମାଫିଆଙ୍କ ଘରେ ଆରମ୍ଭ ହୋଇଥିଲା। ସଂପୃକ୍ତ ମଦ ମାଫିଆ ଘଂଟେଶ୍ୱର ବଜାର ଠାରେ ଥିବା ନିଜ ହୋଟେଲରେ ଏହି ମଦ ବେପାର କରି ଆସୁଥିବା ବେଳେ କୌଣସି ସୂତ୍ରରୁ ଖବର ପାଇ ଆଜି ସଂପୃକ୍ତ ବ୍ୟକ୍ତି ଜଣକ ନିଜ ହୋଟେଲ ବନ୍ଦ କରିଦେଇଥିଲେ। ସଂପୃକ୍ତ ବ୍ୟକ୍ତି ଜଣକ ନିଜ ଘରେ ୫୨ ପେଟି ବିଦେଶୀ ମଦ ରଖିଥିବା ବେଳେ ସମସ୍ତ ମଦକୁ ଜବତ କରାଯିବା ପରେ ଚାନ୍ଦବାଲି ତହସିଲଦାରଙ୍କ ନିର୍ଦେଶ କ୍ରମେ ଜବତ ହୋଇଥିବା ୫୨ପେଟି ମଦକୁ ଅବକାରୀ ବିଭାଗ ନିଜ ହେପାଜତକୁ ନେବା ସହ ସଂପୃକ୍ତ ବ୍ୟକ୍ତି ଜଣକୁ ଗିରଫ କରିଥିଲେ।
Popular Categories
Previous article
Next article