ଧାମରା: ଧାମରା ନିକଟସ୍ଥ ଯଶୀପୁର ବଳସାହି ନିକଟରେ ଯାଇଥିବା ଧାମରା-ଭଦ୍ରକ ରେଳପଥରୁ ଏକ ଅଜଣା ମୃତଦେହ ଉଦ୍ଧାର ହୋଇଛି। ପ୍ରାପ୍ତ ଖବର ଅନୁଯାୟୀ, ସୋମବାର ସନ୍ଧ୍ୟା ସମୟରେ ଯଶିପୁର ନିକଟସ୍ଥ ବଳସାହିଠାରେ ରେଳପଥରୁ ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଛି। ବାଂଶଡ଼ା ଥାନାଧିକାରୀ ବଲ୍ଲଭ ସାହୁଙ୍କ ମତାନୁଯାୟୀ, ସଂପୃକ୍ତ ମହିଳାଙ୍କ ବୟସ ଆନୁମାନିକ ୪୫ ହୋଇଥିବା ବେଳେ ରେଳଧାରଣା ପାରି ହେଉଥିବା ବେଳେ ଏହି ଅଘଟଣ ଘଟିଛି ଅଥବା ସଂପୃକ୍ତ ସେ ଜାଣିଶୁଣି ରେଳପଥରେ ଆତ୍ମହତ୍ୟା କରିଥିବା ନେଇ ସନ୍ଦେହ ସୃଷ୍ଟି ହୋଇଛି। ଖବର ଲେଖା ହେବା ପର୍ଯ୍ୟନ୍ତ ଏନେଇ ସଂପୃକ୍ତ ମହିଳାଙ୍କ ପରିଚୟ ମିଳିପାରି ନଥିବା ବେଳେ ବାଂଶଡା ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି।
Comments are closed.