ଫୁଲବାଣୀ : ୧୫୭ ନମ୍ବର ଜାତୀୟ ରାଜପଥ ଉପରେ ଏକ ବଡ ଗର୍ତ୍ତ ସୃଷ୍ଟି ହୋଇ ଏବେ ସେହି ରାସ୍ତା ମରଣଯନ୍ତା ପାଲଟିଛି। ଏହି ରାସ୍ତା ଦେଇ ଦୈନିକ ହଜାର ହଜାର ଯାନବାହାନ ଯାତାୟତ କରୁଛି। ଏଭଳି ରାସ୍ତାରେ ଯାତ୍ରୀ ନିଜ ଜୀବନକୁ ବାଜି ଲଗାଇ ଯାତାୟତ କରୁଛି। ଅନେକ ସମୟରେ ଛୋଟବଡ଼ ଦୁର୍ଘଟଣା ମଧ୍ୟ ଘଟୁଥିବା ନଜିରକୁ ଆସିଛି। ଏହି ରାସ୍ତା ମୃତ୍ୟୁକୁ ନିମନ୍ତ୍ରଣ ଦେଉଛି କହିଲେ ମଧ୍ୟ ଅତ୍ୟୁକ୍ତି ହେବନାହିଁ। ଏଭଳି ବିପଦପୂର୍ଣ୍ଣ ରାସ୍ତା ଦେଖିବାକୁ ମିଳିଛି ବିଜୋବଡ଼ା ରାଞ୍ଚି କରିଡର ୧୫୭ ଜାତୀୟ ରାଜପଥ କନ୍ଧମାଳ ଜିଲ୍ଲା ଖଜୁରୀପଡା ବ୍ଲକ ସୁଡ୍ରେଜୁ ପଞ୍ଚାୟତର ଭେଟଖୋଲ ଗ୍ରାମ ନିକଟରେ। ଏଠାରେ ଗୋଟିଏ ହୋମପାଇପ ପଡ଼ିଥିଲା ଏବହ ଉକ୍ତ ହୋମପାଇପ ମଝିରେ ଏବେ ବଡ ଗର୍ତ୍ତ ହୋଇଛି। ଫଳରେ ବଡ଼ ଅଘଟଣ ଘଟିବାର ସମ୍ଭାବନା ରହିଛି। ତେଣୁ ସୃଷ୍ଟି ହୋଇଥିବା ଗର୍ତ୍ତ ତୁରନ୍ତ ମରାମତି ପାଇଁ ସ୍ଥାନୀୟ ଜନସାଧାରଣ ଦାବୀ କରିଛନ୍ତି।
Comments are closed.