ଧାମରାରେ ବିଦ୍ୟୁତ ବିଭାଗର କ୍ଷୟକ୍ଷତି ଆକଳନ : ଯୁଦ୍ଧକାଳୀନ ଭିତ୍ତିରେ ବିଦ୍ୟୁତ କାର୍ଯ୍ୟ ତ୍ୱରାନ୍ୱିତ

ଧାମରା : ଭଦ୍ରକ ଜିଲା ଧାମରାରେ ବାତ୍ୟା ବୁଲବୁଲରେ ବହୁ କ୍ଷୟକ୍ଷତି ଘଟିଛି। ଏହି କ୍ଷୟକ୍ଷତିର ଆକଳନ କରିବା ପାଇଁ ରବିବାର ଚାନ୍ଦବାଲି ତହସିଲଦାର, ଅତିରିକ୍ତ ତହସିଲଦାର ଓ ସୁପରଭାଇଜର ଧାମରାର ୮ଟି ପଞ୍ଚାୟତରେ ଭାଙ୍ଗିଥିବା ଘର ଦେଖିବା ସହ ପଲିଥିନ ବଣ୍ଟନ କରିଛନ୍ତି। ଧାମରା ବିଦ୍ୟୁତ ସବଡିଭିଜନରେ ୧୦୦ରୁ ଅଧିକ ବିଦ୍ୟୁତ ଖୁଣ୍ଟ ଭାଙ୍ଗିଛି। ତେଣୁ ଏନଡିଆରଏଫର ୧୫ ଜଣିଆ ଟିମକୁ ନେଇ ବିଦ୍ୟୁତ ବିଭାଗର ଏସଡିଓ ଅଶୋକ ମଲିକଙ୍କ ନେତୃତ୍ବରେ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ ଚାଲିଛି। ଆଜି ସନ୍ଧ୍ୟା ସୁଦ୍ଧା ଧାମରାକୁ ବିଦ୍ୟୁତ ଯୋଗାଣ ହୋଇଯିବ ବୋଲି ଅନୁମାନ କରାଯାଉଛି।

ଧାମରା ବନଖଣ୍ଡର ସମସ୍ତ ଅଞ୍ଚଳକୁ ବିଦ୍ୟୁତ ସରବରାହ ପାଇଁ ୮ ରୁ୧୦ ଦିନ ଲାଗିବ ବୋଲି ଜଣାପଡ଼ିଛି। ଏନଡିଆରଏଫ ଟିମ ଧାମରାରେ ବିଦ୍ୟୁତ ସରବରାହରେ ସୁଧାର ଆସିବା ପର୍ଯ୍ୟନ୍ତ କାର୍ଯ୍ୟ କରିବେ ବୋଲି ଚାନ୍ଦବାଲି ତହସିଲଦାର କହିଛନ୍ତି ।