ଦେବଗଡ଼: ଦେବଗଡ଼ ଥାନା ଗୁରୁସାହି ରାସ୍ତାରେ ଯୁବକଙ୍କ ଜଘନ୍ୟ କାଣ୍ଡ ଭିଆଇଛି। ଏହି ଯୁବକ ଜଣକ ବିଚ ରାସ୍ତାରେ ଜଣେ ଯୁବତୀଙ୍କ ତଣ୍ଟି କାଟି ଲହୁଲୁହାଣ କରିଥିଲା। ବ୍ଲେଡରେ ଯୁବତୀଙ୍କ ତଣ୍ଟି କାଟିବା ସହ ନିଜ ତଣ୍ଟି ମଧ୍ୟ କାଟିଥିଲା ସମ୍ପୃକ୍ତ ଯୁବକ। ନିଜ ତଣ୍ଟି କାଟିବା ପରେ ରକ୍ତଜୁଡୁବୁଡୁ ଅବସ୍ଥାରେ ରାସ୍ତାରେ ଗୁରୁତର ଅବସ୍ଥାରେ ପଡ଼ି ଯାଇଥିଲା। ଉୟଭ ଯୁବକ ଓ ଯୁବତୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା।
ତେବେ ଯୁବତୀଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଥିବାବେଳେ ତଣ୍ଟି କାଟିଥିବା ଯୁବକଙ୍କୁ ଡାକ୍ତର ମୃତ ଘୋଷଣା କରିଥିଲେ। ଦେବଗଡ଼ ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। କେଉଁ କାରଣରୁ ଯୁବକ ଜଣକ ଏଭଳି ଜଘନ୍ୟ କାଣ୍ଡ ଭିଆଇଛନ୍ତି ତାହାର କାରଣ ସ୍ପଷ୍ଟ ହୋଇନାହିଁ। ତେବେ ଅଧିକ ତଦନ୍ତ ପରେ ଏହାର କାରଣ ଜଣାପଡ଼ିବ ବୋଲି ପୁଲିସ ସୂଚନା ଦେଇଛି।
Comments are closed.