ସମାଜ ଲାଇଭ୍ ଡେସ୍କ : କଟକ ମଣିସାହୁ ଛକରେ କୋଠାଭାଙ୍ଗି ୩ ମୃତ୍ୟୁ ଘଟଣାରେ ରିପୋର୍ଟ ମାଗିଲେ ଜିଲାପାଳ । ୨୪ ଘଣ୍ଟାରେ ଘଟଣାର ରିପୋର୍ଟ ଦେବାକୁ କଟକ ମହାନଗର ନିଗମ ଆୟୁକ୍ତ ଓ କଟକ ଉନ୍ନୟନ କର୍ତ୍ତୃପକ୍ଷ ଉପାଧ୍ୟକ୍ଷଙ୍କ ଅଧ୍ୟକ୍ଷତାରେ ଟିମ୍ ଗଠନ ହୋଇଛି । ବେଆଇନ୍ ନିର୍ମାଣାର ତଥ୍ୟ ଦେବାକୁ ଯାଇ କହିଛନ୍ତି ଯେ ଏହାର ତଦନ୍ତ କରାଯିବ ଓ ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ବାକି ଅସୁରକ୍ଷିତ ବିଲ୍ଟିଂ ଭଙ୍ଗା ପ୍ରକ୍ରିୟା ଖୁବଶୀଘ୍ର ଆରମ୍ଭ କରାଯିବ ବୋଲି ଜିଲାପାଳ ସୂଚନା ଦେଇଛନ୍ତି । ତେବେ ଅସୁରକ୍ଷିତ ବିଲ୍ଡିଂ ଭଙ୍ଗାଯିବା ନେଇ ନଗର ଉଡ଼୍ନୟନ ମନ୍ତ୍ରୀ ସୂଚନା ଦେଇଥିଲେ ।
ଏଠାରେ ସୂଚନା ଥାଉକି ଗତ ଶନିବାର ସନ୍ଧ୍ୟା ପ୍ରାୟ ୫ଟା ୧୫ରେ ମଣିସାହୁ ଛକରେ ଥିବା ଏକ ଆପାର୍ଟମେଣ୍ଟର ବାଲକୋନୀ ଛାତ ଭୁଶୁଡ଼ି ତଳେ ଥିବା ଏକ ଆଜବେଷ୍ଟସ ଘର ଉପରେ ଖସି ପଡ଼ିଥିଲା । ଫଳରେ ୩ ଜଣଙ୍କ ମୃତ୍ୟୁ ହୋଇଥିଲା । କୋଠାଟି ବହୁ ପୁରୁଣା ହୋଇଥିବାରୁ ଏପରି ଘଟିଲା ବୋଲି କୁହାଯାଉଛି । ଦୁର୍ଘଟଣା ପରେ ସହରରେ ଥିବା ବିପଦସଙ୍କୁଳ କୋଠାକୁ ପ୍ରଶାସନ ପକ୍ଷରୁ ଚିହ୍ନଟ କରି ବିପଦସଙ୍କୁଳ ଘୋଷଣା କରିବାକୁ ଦାବି ହୋଇଛି ।
