କଟକ : ଭିଜିଲାନ୍ସ ଜାଲରେ କଟକ ଜିଲା ସାଲେପୁର ଗ୍ରାମ୍ୟ ଉନ୍ନୟନ ବିଭାଗର ସହକାରୀ ଯନ୍ତ୍ରୀ ଅର୍ଜୁନ କୁମାର ସାହୁ ଶୁକ୍ରବାର ଧରାପଡିଛନ୍ତି। ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଖୋର୍ଦ୍ଧା (ଭୁବନେଶ୍ୱର),କଟକ ଏବଂ କେନ୍ଦ୍ରାପଡା ଜିଲାର ମୋଟ ୮ଟି ସ୍ଥାନରେ ଭିଜିଲାନ୍ସ ପକ୍ଷରୁ ଏହି ଚଢାଉ କରାଯାଇଛି।
ଭୁବନେଶ୍ୱରର ଖଣ୍ଡଗିରି ବିହାର ଲେନ ନଂ ୨ରେ ଥିବା ତିିନି ମହଲା ବିଶିଷ୍ଟ କୋଠା, କେନ୍ଦ୍ରାପଡା ଜିଲା ଡେରାବିସ୍ ତହସିଲ ଅନ୍ତର୍ଗତ ସଦାନନ୍ଦପୁର ଗ୍ରାମରେ ଥିବା ଦୁଇ ମହଲା କୋଠା, ବଳରାମପୁରରେ ଥିବା ଭଡାଘର, ରାୟପୁରରେ ତାଙ୍କ ସମ୍ପର୍କୀୟଙ୍କ ଘର, ବାଦାହାଟରେ ତାଙ୍କର ଘନିଷ୍ଠ ସହଯୋଗୀ ଘର, ସାଲେପୁରରେ ଥିବା କାର୍ଯ୍ୟାଳୟ ଓ ବାସଭବନ ମୋଟ ୮ଟି ସ୍ଥାନରେ ଏହି ଚଢାଉ କରାଯାଉଛି। ଭିଜିଲାନ୍ସର ସ୍ୱତନ୍ତ୍ର ବିଚାରପତିଙ୍କ ଦ୍ୱାରା ଜାରି ହୋଇଥିବା ୱାରେଣ୍ଟ ଆଧାରରେ ଏହି ଚଢାଉରେ ୮ ଡିଏସପି, ୮ ଇନ୍ସପେକ୍ଟର, ୭ ଏଏସ୍ଆଇ ଏବଂ ଅନ୍ୟାନ୍ୟ କର୍ମଚାରୀ ସାମିଲ ରହିଛନ୍ତି।
Comments are closed.