ଗୁଡଭେଲା : ବଲାଙ୍ଗୀର ଗୁଡ଼ଭେଲା ବ୍ଲକ୍ ମିଶନ ଶକ୍ତି ବିଭାଗର ବିପିସିଙ୍କୁ ମାଡ଼ମରା ଘଟଣାରେ ମୁଖ୍ୟ ଅଭିଯୁକ୍ତ ବ୍ଳକ ଅଧ୍ୟକ୍ଷାଙ୍କ ସ୍ବାମୀ ତଥା ପୂର୍ବତନ ବ୍ଳକ ଅଧ୍ୟକ୍ଷ ଅଶୋକ ଦୋରାଙ୍କ ସହ ୭ ଜଣଙ୍କୁ ଜାମିନ ମଞ୍ଜୁରି ହୋଇଥିବା ଜଣାପଡିଛି। ସୂଚନା ଅନୁଯାୟୀ , ଗତ ୧୦ ତାରିଖରେ ଗୁଡଭେଲା ବ୍ଲକ୍ ଅଧ୍ୟକ୍ଷାଙ୍କ ଚେମ୍ବର ଭିତରେ ଅଶୋକଙ୍କର ସମର୍ଥକମାନେ ଡାକି ନେଇ ମିଶନ ଶକ୍ତିର ବିପିସି ନିର୍ମଳ ଚନ୍ଦ୍ର ପ୍ରଧାନଙ୍କୁ ମାଡ଼ ମାରିଥିବା ନେଇ ଅଭିଯୋଗ ହୋଇଥିଲା। ପୁଲିସ ମାମଲା ରୁଜୁ କରି ୧୨ ତାରିଖରେ ୫ ଜଣଙ୍କୁ ଗିରଫ କରିବା ସହ ୧୭ ତାରିଖ ଆଉ ଜଣେ ସହଯୋଗୀଙ୍କୁ ଗିରଫ କରିବା ପରେ ୨୧ ତାରିଖ ଦିନ ଅଭିଯୁକ୍ତ ଅଶୋକ ଦୋରାଙ୍କୁ ପଡୋଶୀ ଜିଲ୍ଲା କଳାହାଣ୍ଡିରୁ ପୁଲିସ ଗିରଫ କରି ଜାମିନ ନ ମଞ୍ଜୁରି ହେବାରୁ ବିଚାର ବିଭାଗୀୟ ହାଜତରେ ରଖା ଯାଇଥିଲା । ଗତ କାଲି ୭ ଜଣଙ୍କର ଜାମିନ ମଞ୍ଜୁରି ହେବାରୁ ଜେଲ୍ ରୁ ବାହାରିଥିବା ସୂଚନା ମିଳିବା ସହ ଆହୁରି ୪ରୁ ଅଧିକ ଅଭିଯୁକ୍ତ ଫେରାର ହୋଇଥିବାରୁ ପୁଲିସ ଖୋଜାଖୋଜି କରୁଥିବା ଜଣାପଡିଛି ।
Popular Categories
Previous article
Next article