ଲକ୍ଷ୍ମୀପୁର: ଗାଈକୁ ଆମେ ଗୋ ମାତା କହିବା ସହିତ ତେତିଶ କୋଟି ଦେବାଦେବୀ ତାଙ୍କ ଦେହରେ ଥିବା ବିଚାର କରୁ। ହେଲେ ସେହି ଗୋମାତାମାନଙ୍କୁ ଲୋକେ ପାଳନ କରିବା ପରିବର୍ତ୍ତେ ବାହାରକୁ ଛାଡ଼ି ଦେଇ କେଉଁଠି ଅଛି କେମିତି ଅଛି ଖୋଜ ଖବର ନେଉନାହାନ୍ତି। ଏହି ଭଳି ପ୍ରାୟତଃ କୋରାପୁଟ ଜିଲା ଲକ୍ଷ୍ମୀପୁର ସଦର ମହକୁମାରେ ଦେଖିବାକୁ ମିଳୁଛି। ବୁଧବାର ଏକ ଗାଈ ପ୍ରାଣୀଧନ ଚିକିତ୍ସାଳୟ ନିକଟ ରାଜପଥ କଡ଼ରେ ପଡି଼ ଛଟପଟ ହୋଉଥିବା ଦେଖିବାକୁ ମିଳିଛି। ଏଠାରେ ଦୁଇ ଦିନ ହେଲା ଗାଈଟି ଏହି ଭଳି ଶୀତ କାକରରେ ପଡି ରହିଥିବା ସ୍ଥାନୀୟ ବାସିନ୍ଦା ଈଷ୍ଟ ସଗରିଆ ପ୍ରକାଶ କରିଛନ୍ତି। ତା’ ମାଲିକ ଖୋଜୁ ନାହାନ୍ତି କି ଚିକିତ୍ସା କରିବା ପାଇଁ ବ୍ୟବସ୍ଥା କରୁନାହାନ୍ତି, ଯାହା ଅତ୍ୟନ୍ତ ଦୁଃଖର ବିଷୟ। କେବଳ ଏହି ଗାଈ ନୁହେଁ ଏହି ଭଳି ଅବସ୍ଥା ସବୁବେଳେ ଏଠାରେ ଦେଖିବାକୁ ମିଳୁଛି। ଏପରି କି ଦୁର୍ଘଟଣାର ଶିକାର ହୋଇ ଅନେକ ସମୟରେ ଗାଈ ବାଛୁରୀ ମୃତ୍ୟୁମୁଖରେ ପଡୁଛନ୍ତି। ବ୍ଲକ ପ୍ରଶାସନ ଓ ପଞ୍ଚାୟତ ଏ ଦିଗରେ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।
Comments are closed.