ଗତ ୬ ଦିନ ହେବ ଦେଶରେ କରୋନା ଆରୋଗ୍ୟ ସଂଖ୍ୟା ବୃଦ୍ଧି ପାଉଥିବା ବେଳେ ୧୦ଟି ରାଜ୍ୟରେ ଏହି ହାର ୭୯.୯୪% ରହିଛି। ଅଧିକ ଆରୋଗ୍ୟ ଲାଭ କରୁଥିବା ରାଜ୍ୟଗୁଡ଼ିକ ହେଉଛି କର୍ଣ୍ଣାଟକ, ମହାରାଷ୍ଟ୍ର, କେରଳ, ରାଜସ୍ଥାନ, ତାମିଲ୍ନାଡ଼ୁ, ଆନ୍ଧ୍ରପ୍ରଦେଶ, ଉତ୍ତର ପ୍ରଦେଶ, ପଶ୍ଚିମବଙ୍ଗ, ହରିୟାଣା ଏବଂ ଛତିଶଗଡ଼। ଗତ ୨୪ ଘଣ୍ଟା ମଧ୍ୟରେ କର୍ଣ୍ଣାଟକରେ ୫୮ ହଜାର ୩୯୫ ଜଣ ସୁସ୍ଥ ହୋଇଥିବା ବେଳେ ମହାରାଷ୍ଟ୍ରରେ ୫୨ ହଜାର ୮୯୮, କେରଳରେ ୪୫ ହଜାର ୯୨୬, ରାଜସ୍ଥାନରେ ୨୫ ହଜାର ୧୬୦, ତାମିଲନାଡୁରେ ୨୧ ହଜାର ୩୬୨, ଆନ୍ଧ୍ରପ୍ରଦେଶରେ ୨୧ ହଜାର ୨୭୪, ଉତ୍ତରପ୍ରଦେଶରେ ୨୧ ହଜାର ୧୦୮, ପଶ୍ଚିମବଙ୍ଗରେ ୧୯ ହଜାର ୫୦, ହରିୟାଣାରେ ୧୪ ହଜାର ୮୯୭ ଓ ଛତିଶଗଡ଼ରେ ୧୨ ହଜାର ୯୮ ଜଣ ଆରୋଗ୍ୟ ଲାଭ କରିଛନ୍ତି।
ସେହି ସମୟ ମଧ୍ୟରେ ୧୦ଟି ରାଜ୍ୟରୁ ସର୍ବାଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ତାମିଲ୍ନାଡ଼ୁରୁ ୩୩ ହଜାର ଅଣଷଠି, କେରଳରୁ ୩୧ ହଜାର ୩୩୭, କର୍ଣ୍ଣାଟକରୁ ୩୦ ହଜାର ୩୦୯, ମହାରାଷ୍ଟ୍ରରୁ ୨୮ ହଜାର ୪୩୮, ଆନ୍ଧ୍ରପ୍ରଦେଶରୁ ୨୧ ହଜାର ୩୨୦, ପଶ୍ଚିମବଙ୍ଗରୁ ୧୯ ହଜାର ୪୨୮, ଓଡିଶାରୁ ୧୦ ହଜାର ୩୨୧, ଉତ୍ତରପ୍ରଦେଶରୁ ୮ ହଜାର ୬୭୩, ରାଜସ୍ଥାନରୁ ୮ ହଜାର ୩୯୮ ଓ ହରିୟାଣାରୁ ୭ ହଜାର ୭୭୪ ଜଣ ଚିହ୍ନଟ ହୋଇଛନ୍ତି। ଏହି ତାଲିକାର ସପ୍ତମ ସ୍ଥାନରେ ଓଡ଼ିଶା ରହିଛି।
