କଣ୍ଟାବାଞ୍ଜି: ବଲାଙ୍ଗିର ଜିଲାପାଳ ତଥା ଅବକାରୀ ଅଧିକ୍ଷକଙ୍କ ନିର୍ଦେଶକ୍ରମେ କଣ୍ଟାବାଞ୍ଜି, ବଙ୍ଗୋମୁଣ୍ଡା, ଟିଟିଲାଗଡ଼ ଓ ପାଟଣାଗଡ଼ ଅବକାରୀ ଥାନା ଦ୍ୱାରା ପାଟ୍ରୋଲିଂ ବେଳେ ଶୁକ୍ରବାର ପୂର୍ବାହ୍ନରେ କଣ୍ଟାବାଞ୍ଜି ବସ ଷ୍ଟାଣ୍ଡ ନିକଟରୁ ୯ଲିଟର ୫୦୦ ମିଲିଲିଟର(୯୫ଟି ବୋତଲ) କଫ୍ ସିରପ ଜବତ କରାଯାଇଛି।
ଅବକାରୀ ବିଭାଗରୁ ମିଳିଥିବା ସୂଚନା ଅନୁସାରେ, କଣ୍ଟାବାଞ୍ଜି ନୁଆପଡ଼ା ବାସିନ୍ଦା ବିଷ୍ଣୁ ହାତି(୨୭) ବେଆଇନ ଭାବେ କଫ୍ ସିରପକୁ ଅନ୍ୟତ୍ର ଚାଲାଣ କରିବା ପାଇଁ ନେଉଥିବା ବେଳେ ସନ୍ଦେହରେ ତାଙ୍କୁ ବସ ଷ୍ଟାଣ୍ଡ ନିକଟରେ ହିଁ ଧରିଥିଲେ। ଯାଞ୍ଚ ବେଳେ ଉକ୍ତ କଫ ସିରପ ମିଳିଥିଲା। କଣ୍ଟାବାଞ୍ଜି ଅବକାରୀ ଥାନା ମାମଲା ନଂ. ୪୩/୪.୧୧.୨୦୨୨ ରୁଜୁ କରି ଅଭିଯୁକ୍ତକୁ ସ୍ଥାନୀୟ କୋର୍ଟ ଚାଲାଣ ପରେ ଜାମିନ ନମିଳିବାରୁ ସ୍ଥାନୀୟ ସବ୍ ଜେଲକୁ ପଠାଇ ଦିଆଯାଇଛି। ପାଟ୍ରୋଲିଂ ସମୟରେ କଣ୍ଟାବାଞ୍ଜି ଅବକାରୀ ଇନ୍ସପେକ୍ଟର ସତ୍ୟନାରାୟଣ ଦାସ, କଣ୍ଟାବାଞ୍ଜି ଅବକାରୀ ଥାନା ଅଧିକାରୀ ବଳରାମ ପଧାନ, ବଙ୍ଗୋମୁଣ୍ଡା ଅବକାରୀ ଥାନା ଅଧିକାରୀ ଦୟାନିଧି ବାରିକ, ଟିଟିଲାଗଡ଼ ଅବକାରୀ ଥାନା ଅଧିକାରୀ ମଲୟ ପଧାନ, ପାଟଣାଗଡ଼ ଅବକାରୀ ଥାନା ଅଧିକାରୀ ବାଲୁ ସେଠି, କନେଷ୍ଟବୁଲ ଦେବାର୍ଚ୍ଚନ ଭୋଇ, ମମତା ବେହେରା, ସତ୍ୟ ବେହେରା, ସୁରେଶ ଭୋଇ, ହୁଲେଶ୍ୱର କୁମୁରା, କୁମୁଦିନି ମଲ୍ଲିକ, ମୋତିଲାଲ ସାହୁ, ଗୁଣନିଧି ମାଝି ସାମିଲ ଥିଲେ।
Comments are closed.