ଦେଶରେ ଆଉ ନୂଆ ସଂକ୍ରମିତ ୭,୫୫୪ ; ଆରୋଗ୍ୟ ହାର ୯୮.୬୦%

ନୂଆଦିଲ୍ଲୀ : ଦେଶରେ ହ୍ରାସ ପାଉଛି କରୋନା ସଂକ୍ରମଣ। ଦିନକରେ ଆଉ ୭,୫୫୪ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏହାସହ ମୋଟ ଆକ୍ରାନ୍ତଙ୍କ ସଂଖ୍ୟା ୪,୨୯,୩୮,୫୯୯କୁ ବୃଦ୍ଧି ପାଇଛି। ସେହିପରି ଆଉ ୧୪,୧୨୩ ଆକ୍ରାନ୍ତ ସୁସ୍ଥ ହୋଇଥିବା ବେଳେ ମୋଟ ୪,୨୩,୩୮,୬୭୩ ଆରୋଗ୍ୟ ଲାଭ କରି ଘରକୁ ଫେରିଛନ୍ତି। ଆରୋଗ୍ୟ ହାର ୯୮.୬୦%। ଗୋଟିଏ ଦିନରେ ୨୨୩ ଆକ୍ରାନ୍ତଙ୍କ ମୃତ୍ୟୁ ହୋଇଛି। ଫଳରେ ମୋଟ କରୋନା ଜନିତ ମଢତ୍ୟୁ ସଂଖ୍ୟା ୫,୧୪,୨୪୬ରେ ପହଞ୍ଚିଛି। ମୃତ୍ୟୁ ହାର ୧.୨୦%। ଆଉ ୮୫,୬୮୦ ସକ୍ରିୟ ଆକ୍ରାନ୍ତ ଚିକିତ୍ସାଧୀନ ଅବସ୍ଥାରେ ରହିଛନ୍ତି। ସକ୍ରିୟ ଆକ୍ରାନ୍ତ ହାର ୦.୨୦%। ଦିନକରେ ୭,୮୪,୦୫୯ ନମୁନା ପରୀକ୍ଷା କରାଯାଇଥିବା ବେଳେ ମୋଟ ୭୬,୯୧,୬୭,୦୫୨ ନମୁନା ପରୀକ୍ଷା କରାଯାଇଛି। ଦିନକରେ ୮,୫୫,୮୬୨ ଟିକା କରଣ ହୋଇଥିବା ବେଳେ ମୋଟ ୧,୭୭,୭୯,୯୨,୯୭୭ଟିକାକରଣ କରାଯାଇଛି। ବୁଧବାର ସକାଳ ଯାଏଁ ୨,୮୭,୬୫୭ ଟିକାକରଣ ହୋଇଛି।ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳାୟ ପକ୍ଷରୁ ଟୁଇଟ୍‍ ଯୋଗେ ସୂଚନା ମିଳିଛି।