ଟିଟିଲାଗଡ଼: ଟିଟିଲାଗଡ଼ ଉପଖଣ୍ଡ ଅନ୍ତର୍ଗତ ସଇଁତଲା ବ୍ଲକକୁ ମରୁଡି ଅଞ୍ଚଳ ଘୋଷଣା ଦାବିରେ କଂଗ୍ରେସ ପକ୍ଷରୁ ପୂର୍ବତନ ମନ୍ତ୍ରୀ ସୁରେନ୍ଦ୍ର ସିଭୋଇଙ୍କ ନେତୃତ୍ୱରେ ସୋମବାର ସଇଁତଲା ତହସିଲ କାର୍ଯ୍ୟାଳୟ ଘେରାଉ କରାଯାଇଛି। ଚଳିତ ଖରିଫରେ ବ୍ଲକ ଅଞ୍ଚଳରେ ବର୍ଷାହାନି ନେଇ ଅନେକ ଜମିରେ ରୁଆ ବିହୁଡା କାର୍ଯ୍ୟ ଆରମ୍ଭ ହୋଇପାରିନି। ହଜାର ହଜାର ଏକର ଚାଷ ଜମି ପଡିଆ ପଡିଛି। ଋଣ କରି ଚାଷ କାର୍ୟ୍ୟ ଆରମ୍ଭ କରିବା ନେଇ ଋଣ ଗ୍ରସ୍ତ ହୋଇଛନ୍ତି, ହେଲେ ଫସଲ କ୍ଷତି ନେଇ ଚାଷୀ ତଳିତଳାନ୍ତ ହୋଇଛନ୍ତି। ଫସଲ କ୍ଷତି ହେଲେ ବୀମା ସହାୟତା ମିଳୁନି। ଏଭଳି ସ୍ଥଳେ ସରକାର ତୁରନ୍ତ ମରୁଡି ଘୋଷଣା ସହ ଚାଷୀଙ୍କୁ ସହାୟତା ପ୍ରଦାନ କରାଯାଉ, ନହଲେ ଆନ୍ଦୋଳନକୁ ତୀବ୍ରତର କରାଯିବ ବୋଲି ଦଳ ପକ୍ଷରୁ ଚେତାବନୀ ଦିଆଯାଇଛି। ଦଳ ପକ୍ଷରୁ କିଷାନ ସେଲ ସଭାପତି ଉତ୍ତମ ପଟେଲଙ୍କ ନେତୃତ୍ୱରେ ଅନୁଷ୍ଠିତ ଘେରାଉ କାର୍ୟ୍ୟକ୍ରମରେ ବ୍ଲକ କଂଗ୍ରେସ ସଭାପତି ଗୁଣ ସାଗର ମାଝୀ, ଉପସଭାପତି ରଞ୍ଜିତ ସିଂ, ବରିଷ୍ଠ ଚାଷୀ ନେତା ଦୁଃଖିଶ୍ୟାମ ସାହୁ, ଗୋପାଳ ମନହିରା, ସତ୍ୟନାରାୟଣ ପଣ୍ଡା, ମଜଦୂର ସଂଗଠନ ଆଇଏନଟିୟୁସି ଜିଲ୍ଲା ସଭାପତି କୃଷ୍ଣଚନ୍ଦ୍ର ସାହୁ, ସୁବ୍ରତ ବେହେରା, ଜ୍ୟୋତିରଞ୍ଜନ ମହାନ୍ତି, ସରପଞ୍ଚ ଉମାକାନ୍ତ ରଣା, ସମିତି ସଭ୍ୟ ଧନମତ ନନ୍ଦ, ବୈକୁଣ୍ଠ ମାଝୀ, ଗୋପାଳ ଅଗ୍ରୱାଲ ପ୍ରମୁଖ ସାମିଲ ହୋଇଛନ୍ତି, ଆଇନ ଶୃଙ୍ଖଳା ନେଇ ଆଇଆଇସି ସଂଗ୍ରାମ କେଶରୀ ପଟ୍ଟନାୟକଙ୍କ ନେତୃତ୍ୱରେ ବ୍ୟାପକ ପୁଲିସ ବଳ ମୁତୟନ କରାଯାଇଛି।
Popular Categories
Previous article
Next article