ବ୍ରହ୍ମପୁର: ବ୍ରହ୍ମପୁର ସହରର ବିିଭିନ୍ନ ସ୍ଥାନରେ ଥିବା ପୂଜ୍ୟପୂଜାମାନଙ୍କ ପ୍ରତିମୂର୍ତ୍ତି ଅବହେଳିତ ଅବସ୍ଥାରେ ପଡ଼ି ରହିଛି। ସେଗୁଡ଼ିକର ପୁନରୁଦ୍ଧାର ପାଇଁ ଦାବି କରିଛି ବ୍ରହ୍ମପୁର ନଗର କଂଗ୍ରେସ। ବୁଧବାର ସଭାପତି ସୂଜୟ କୁମାର ଆଚାର୍ୟ୍ୟଙ୍କ ନେତୃତ୍ବରେ ଏନେଇ ବ୍ରହ୍ମପୁର ମହାନଗର ନିଗମ ଅଧିକାରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଦଳ ତରଫରୁ କୁହାଯାଇଛି ଯେ, ଅନେକ ସ୍ଥାନରେ ମୂର୍ତ୍ତିଗୁଡ଼ିକ ନଷ୍ଟ ହୋଇଗଲାଣି। କାରଣ ରକ୍ଷଣାବେକ୍ଷଣ ହେଉନାହିଁ। ପକ୍ଷୀଙ୍କ ମଳ ପଡ଼ିବା ସହିତ ରଙ୍ଗ ଉଡ଼ିଗଲାଣି। ଏହା ସେମାନଙ୍କ ପାଇଁ ଅପମାନ। ତୁରନ୍ତ ମହାନଗର ନିଗମ ତରଫରୁ ମୂର୍ତ୍ତିଗୁଡ଼ିକର ସଫେଇ କରାଯାଉ। ସେହିଭଳି ଫାଷ୍ଟଗେଟଠାରେ ପୂର୍ବରୁ ଥିବା ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ପ୍ରତିମୂର୍ତ୍ତିକୁ ପୁନଃ ସ୍ଥାପନ କରିବାକୁ ଦଳ ଦାବି ରଖିଛି। ୪୫ଟି କାର୍ୟ୍ୟ ଦିବସ ଭିତରେ ଯଦି ଦାବି ପୂରଣ ନ ହୁଏ, ତେବେ ଦଳ ରାଜ ରାସ୍ତାକୁ ଓହ୍ଲାଇବ ବୋଲି ଚେତାବନୀ ଦେଇଛି। ନିଗମର ଆୟୁକ୍ତଙ୍କ ଅନୁପସ୍ଥିତିରେ ଉପଆୟୁକ୍ତ ଆଶୁତୋଷ ସାମଲଙ୍କୁ ଦାବିପତ୍ର ପ୍ରଦାନ କରାଯାଇଛି।
Popular Categories
Previous article
Next article