ହରଭଙ୍ଗା : ବୌଦ୍ଧଜିଲ୍ଲା ହରଭଙ୍ଗା ବ୍ଲକ ଧଳପୁର ପଞ୍ଚାୟତର କିଡନୀ ପ୍ରଭାବିତ ଚନ୍ଦ୍ରଶେଖରପୁର ଗାଁ ଲୋକଙ୍କୁ ବି.ଡି.ଓ ଦେଇଥିବା ପ୍ରତିଶ୍ରୁତି ପାଳନ କରିଛନ୍ତି। ବିଳମ୍ବରେ ହେଉ ପଛେ କିଡନୀ ରୋଗୀଙ୍କ ପାଇଁ ଲକ୍ଷାଧିକ ଟଙ୍କା ବ୍ୟୟବରାଦରେ ଏକ କମ୍ୟୂନିଟି ଆକ୍ବାଗାର୍ଡ ସହିତ ଓଭରହେଡ ପାଣି ଟାଙ୍କି ଲଗାଇ ଗାଁ ଲୋକଙ୍କ ମୁହଁରେ ହସ ଫୁଟାଇଛନ୍ତି ହରଭଙ୍ଗା ବି.ଡି.ଓ ନୀଳକଣ୍ଠ ବେହେରା। ପ୍ରଶାସନର ଏଭଳି ମହତ୍ କାର୍ୟ୍ୟକୁ ଗାଁ ଲୋକେ ଉଚ୍ଚପ୍ରଂଶସା କରିଛନ୍ତି। ପ୍ରକାଶ ଯେ ୨୨ଟି ପରିବାର ବିଶିଷ୍ଟ ଚନ୍ଦ୍ରଶେଖରପୁର ଗାଁରେ କିଡନୀ ରୋଗରେ ବର୍ତମାନ ୨୧ ଜଣ ଆକ୍ରାନ୍ତ ଥିବାବେଳେ ୧୨ ଜଣଙ୍କ ମୃତ୍ୟୂ ଘଟିସାରିଲାଣି।ଏଭଳି ଘଟଣାକୁ ନେଇ ‘ସମାଜ’ରେ ଲଗାତାର ଖବର ପ୍ରକାଶ ପରେ ପ୍ରଶାସନିକ ଟିମ ଗାଁରେ ପହଞ୍ଚି ସ୍ଥିତି ଅନୁଧ୍ୟାନ କରିଥିଲା।ନଳକୂପ ପାଣିରୁ ଗାଁରେ କିଡନୀ ରୋଗ ବ୍ୟାପୁଥିବା ସ୍ୱାସ୍ଥ୍ୟ ବିଭାଗ ସ୍ପଷ୍ଟ କରିବା ପରେ ଗାଁ ଲୋକଙ୍କ ପାଇଁ ବିଶୁଦ୍ଧ ପାନୀୟ ଜଳ ଯୋଗାଇଦେବାକୁ ଏକ କମ୍ୟୁନିଟି ଆକ୍ବାଗାର୍ଡର ଜରୁରୀ ରହିଥିଲା। ବିଳମ୍ବରେ ହେଉ ପଛେ ପ୍ରଶାସନ ପକ୍ଷରୁ ଗାଁ ଲୋକଙ୍କ ପାଇଁ ବିଶୁଦ୍ଧ ପାନୀୟ ଜଳ ବ୍ୟବସ୍ଥା ଅନେକମାତ୍ରାରେ ରୋଗଗ୍ରସ୍ତ ପରିବାରକୁ ଗାଁ ଲୋକଙ୍କୁ ଆଶ୍ୱସ୍ତି ଦେଇଛି।
Popular Categories
Previous article
Next article