ଭୁବନେଶ୍ୱର : ରାଜ୍ୟରେ ଛାତ୍ର ସଂସଦ ନିର୍ବାଚନ ବନ୍ଦକୁ ନେଇ ବିଜେପି ଯୁବମୋର୍ଚ୍ଚା ଆଇନଗତ ଲଢେଇ ଲଢ଼ିବାକୁ ନିଷ୍ପତ୍ତି ନେଇଛି । ବିଜେପି ଯୁବ ମୋର୍ଚ୍ଚା ସଭାପତି ଅଭିଳାଷ ପଣ୍ଡା କହିଛନ୍ତି ନିର୍ବାଚନ ହେବା ପାଇଁ ହାଇକୋର୍ଟରେ ପିଆଇଏଲ୍ ଫାଇଲ ହେବ। ସେ କହିଛନ୍ତି ବିଜୁ ଜନତାଦଳ ବଚସ୍କର ଜନତା ଦଳ ହେବା ପାଇଁ ଯେଉଁ ପୃଷ୍ଠିଭୂମି ଦରକାର ତାକୁ ତିଆରି କରିବା ପାଇଁ ନିର୍ବାଚନକୁ ବନ୍ଦ କରି ଦିଆଗଲା। କ୍ୟାମ୍ପସରୁ ଛାତ୍ର ନେତା ନ ବାହାରିବାକୁ ଏହା ଷଡଯନ୍ତ୍ର । ଯୁବକଙ୍କ ମଧ୍ୟରେ ଗଣତାନ୍ତ୍ରିକ ଉତ୍ସାହ ନରହୁ। ଶିକ୍ଷିତ ମାନେ ମତଦାନ ନକରନ୍ତୁ । କେବଳ ନିରକ୍ଷର ମତଦାନ କରନ୍ତୁ । ଫଳରେ ସେହିମାନଙ୍କୁ ନେଇ କ୍ଷମତା ଅକ୍ତିଆର କରିବା ସହଜ ବୋଲି ସରକାର ଚାହୁଁଛନ୍ତି । ସେଥିପାଇଁ ସରକାରଙ୍କ ଏହି ଷଡଯନ୍ତ୍ର କରିଛନ୍ତି । ୫ ବର୍ଷ ହେଲା ନିର୍ବାଚନ ବନ୍ଦ ହେବାରୁ କ୍ୟାମ୍ପସରେ କଣ ବିଶୃଙ୍ଖଳା ହେଉନି ? କେବଳ କ୍ୟାମ୍ପସରେ ଠିକା କାମ କରିବା ପାଇଁ ବିଜେଡିର ଏହା ଚକ୍ରାନ୍ତ ବୋଲି ସେ ଅଭିଯୋଗ କରିଛନ୍ତି।
ଅନ୍ୟ ପକ୍ଷରେ ଛାତ୍ର ସଂସଦ ନିର୍ବାଚନ ବନ୍ଦକୁ ନେଇ ଛାତ୍ର କଂଗ୍ରେସ ମଧ୍ୟ ସରକାରଙ୍କ ଉପରେ ବର୍ଷିଛି।
Comments are closed.