କେନ୍ଦୁଝରଗଡ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ଦିନିକିଆ କେନ୍ଦୁଝର ଗସ୍ତରେ ଆସି ୪୭୦୦କୋଟି ଟଙ୍କାର ବିଭିନ୍ନ ପ୍ରକଳ୍ପର ଶୁଭ ଉଦ୍ଘାଟନ ଓ ଶିଳାନ୍ୟାସ କରିବା ନେଇ ଜିଲାପାଳ ଆଶିଷ ଠାକରେ ଶନିବାର ଏକ ଅନୌପଚାରିକ ବାର୍ତ୍ତାରେ ଏହା କହିଛନ୍ତି। ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ହେଲିକେପ୍ଟର ଯୋଗେ ଆସି ପୂର୍ବାହ୍ନ ପ୍ରାୟ ୧୧ଟାରେ ଧରଣୀଧର ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟ ସମ୍ମୁଖ ହେଲିପ୍ୟାଡରେ ଅବତରଣ କରିବା ପରେ ନବନିର୍ମିତ ମେଡିକାଲ କଲେଜର ଶୁଭ ଉଦ୍ଘାଟନ ସହ ଅଡିଟୋରିୟମରେ ଡାକ୍ତର ଓ ଡାକ୍ତରୀ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ବାର୍ତ୍ତା ପ୍ରଦାନ କରିବା କାର୍ଯ୍ୟକ୍ରମ ରହିଛି। ଏହାପରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ମେଡିକାଲ କଲେଜ ସମ୍ମୁଖ ପଡିଆରେ ଆୟୋଜିତ ସାଧାରଣ ସଭାରେ ଜିଲାବାସୀଙ୍କ ଉଦ୍ଦେଶ୍ୟରେ ଉଦ୍ବୋଧନ ଦେବାସହ ଜିଲାର ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶୁଭ ଉଦ୍ଘାଟନ ସହ କେତେକ ପ୍ରକଳ୍ପର ଶିଳାନ୍ୟାସ କରିବା କାର୍ଯ୍ୟକ୍ରମ ରହିଥିବା ଜିଲାପାଳ ଶ୍ରୀ ଠାକରେ ସୂଚନା ଦେଇ ଏହା କହିଛନ୍ତି। ସେଥିମଧ୍ୟରେ ଶଙ୍କରପୁରସ୍ଥିତ ଧରଣୀଧର ଟ୍ରାଇବାଲ ସ୍ପୋର୍ଟ୍ସ କମ୍ପେ୍ଲକ୍ସ, ପୁରୁଣାବଜାରସ୍ଥିତ ହାଡବନ୍ଧ ପୋଖରୀର ପୁନଃରୁଦ୍ଧାର ଓ ସୌନ୍ଦର୍ଯ୍ୟକରଣ, ବଳଦେବଜୀଉ ମନ୍ଦିର ପରିସରରେ ନବିନିର୍ମିିତ ଭୋଗମଣ୍ଡପ ସମେତ ୪୭୦୦କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ କାର୍ଯ୍ୟକ୍ରମ ରହିଛି।
ସୋମବାର ମୁଖ୍ୟମନ୍ତ୍ରୀଙ୍କ କେନ୍ଦୁଝର ଗସ୍ତ, ୪୭୦୦କୋଟି ଟଙ୍କା ପ୍ରକଳ୍ପର ହେବ ଶୁଭ ଉଦ୍ଘାଟନ ଓ ଶିଳାନ୍ୟାସ
Popular Categories
Previous article
Next article