ଆଜିକାଲି ପ୍ରାୟ ବହୁତ ଲୋକ ଆଣ୍ଠୁଗଣ୍ଠି ଜନିତ ସମସ୍ୟାରେ ପୀଡ଼ିତ। ଏହି ସମସ୍ୟା ଭୋଗୁଥିବା ଲୋକେ ଏଥିରୁ ମୁକ୍ତି ପାଇବା ପାଇଁ ଅନେକ ଉପଚାର ଆପଣାଇ ଥାଆନ୍ତି। ହେଲେ କେତେକଙ୍କୁ ସୁଫଳ ମିଳିବା ସହ ଅନ୍ୟ କେତେକଙ୍କୁ କୌଣସି ଫଳ ମିଳି ନଥାଏ। ତେବେ କ’ଣ ଆପଣ ଜାଣନ୍ତି ଅନେକ ଔଷଧୀୟ ଗୁଣରେ ଭରପୁର ଲବଙ୍ଗ ଆଣ୍ଠୁଗଣ୍ଠି ସମସ୍ୟାରୁ ମୁକ୍ତି ଦେବାରେ ଖୁବ୍ ସହାୟକ ହୋଇଥାଏ। ଏହା ଅନେକ ରୋଗ ଦୂର କରିବାରେ ସହାୟକ ହେଉଥିବା ବେଳେ ଆଣ୍ଠୁଗଣ୍ଠି ଜନିତ ସମସ୍ୟା ଭୋଗୁଥିବା ଲୋକଙ୍କ ପାଇଁ ବରଦାନ ସ୍ବରୂପ ହୋଇଥାଏ। ତେବେ ଚାଲନ୍ତୁ ଜାଣିବା ଲବଙ୍ଗ କିପରି ଆଣ୍ଠୁଗଣ୍ଠି ସମସ୍ୟାରୁ ମୁକ୍ତି ଦେବାରେ ସହାୟକ ହୋଇଥାଏ –
ଲବଙ୍ଗର ଅନେକ ପୋଷାକତତ୍ତ୍ୱ ରହିଛି । ଏଥିରେ କ୍ୟାଲସିୟମ ଏବଂ ଓମେଗା-୩ ଏସିଡ୍ ଥାଏ। ପ୍ରତିଦିନ ସକାଳେ ଲବଙ୍ଗ ପାଣି ଅଧାକପ୍ ପିଇଲେ ଆଣ୍ଠୁଗଣ୍ଠି ସମସ୍ୟାରୁ ମୁକ୍ତି ମିଳିଥାଏ ବୋଲି ଆୟୁବେର୍ଦରେ ଉଲ୍ଲେଖ ରହିଛି। ତେଣୁ ଏଥିପାଇଁ ଅଧାକପ୍ ପାଣିରେ କିଛି ଲବଙ୍ଗ ପକାଇ ଗୋଟିଏ ରାତି ରଖିଦିଅନ୍ତୁ। ଏହାପରେ ସକାଳେ ସେହି ପାଣିକୁ ପିଅନ୍ତୁ। ନିୟମିତ ଏହାକୁ ସେବନ କରିବା ଦ୍ବାରା ଖୁବଶୀଘ୍ର ଆପଣ ଏହାର ଫଳ ନିଜେ ଉବଲବ୍ଧି କରିପାରିବେ।
ଏଥିସହିତ ଲବଙ୍ଗରେ ଥିବା ଆଣ୍ଟିଅକ୍ସିଡାଣ୍ଟ୍ ଶରୀରରେ ରୋଗ ପ୍ରତିରୋଧକ ଶକ୍ତି ସୃଷ୍ଟି କରିବା ସହ ଅକାଳ ବାର୍ଦ୍ଧକ୍ୟରୁ ଦୂରେଇ ରଖେ। ଲବଙ୍ଗ ପାଣି ପାଟି ଦୁର୍ଗନ୍ଧ ମଧ୍ୟ ଦୂର କରେ। ପ୍ରତିଦିନ ୨-୩ଟି ଲବଙ୍ଗ ଚୋବାଇ ପାଣି ପିଇଲେ ଅନେକ ସମସ୍ୟା ଦୂର ହେବା ସହିତ ରକ୍ତ ସଞ୍ଚାଳନ ସ୍ବାଭାବିକ ହୋଇଥାଏ। ଲବଙ୍ଗ ପାଣି ଏସିଡିଟି ସମସ୍ୟା ଦୂର କରିବାରେ ମଧ୍ୟ ସହାୟକ ହୋଇଥାଏ।
