ଦେଶର ସମସ୍ତ ସ୍ଥାନରେ ତ ଖ୍ରୀଷ୍ଟମାସର ପର୍ବ ପାଳନ ହୋଇଥାଏ। ହେଲେ କେରଳର ଖ୍ରୀଷ୍ଟମାସ ଟିକେ ଭିନ୍ନ ଓ ବିଶେଷ ହୋଇଥାଏ। କାରଣ ପ୍ରଭୁ ଯୀଶୁଙ୍କ ଶିଷ୍ୟ ସେଣ୍ଟ୍ ଥୋମାସ୍ ଖ୍ରୀଷ୍ଟଧର୍ମର ପ୍ରଚାର-ପ୍ରସାର ସର୍ବପ୍ରଥମେ ଭାରତର ଏହି ରାଜ୍ୟରୁ ହିଁ ଆରମ୍ଭ କରିଥିଲେ। ତେଣୁ ଭାରତୀୟ ରାଜ୍ୟ କେରଳରେ ବହୁ ସଂଖ୍ୟାରେ ଖ୍ରୀଷ୍ଟିୟାନ ସମ୍ପ୍ରଦାୟର ଲୋକେ ବାସ କରନ୍ତି। ସେଣ୍ଟ୍ ଜର୍ଜ ଚର୍ଚ୍ଚ, ହୋଲୀ ଫ୍ୟାମିଲି ଚର୍ଚ୍ଚ, ସେଣ୍ଟ୍ ଫ୍ରାନ୍ସିସ୍ ଚର୍ଚ୍ଚ, ସେଣ୍ଟ୍ କ୍ରୁଜ୍ ବେସିଲିକା ଚର୍ଚ୍ଚ, ସେଣ୍ଟ୍ ଜର୍ଜ କ୍ୟାଥେଡ୍ରଲ, ପାରୁମାଲା ଆଦି ଚର୍ଚ୍ଚ ଏଠାକାର ପ୍ରସିଦ୍ଧ ଚର୍ଚ୍ଚ। କେରଳରେ ସେଣ୍ଟ୍ ଥୋମାସ୍ ଓ ମାତା ମରିୟମ୍ଙ୍କ ନାମରେ ଐତିହାସିକ ଚର୍ଚ୍ଚ ମଧ୍ୟ ରହିଛି। କେରଳର ବଜାରରେ ଖ୍ରୀଷ୍ଟମାସର ଚମକ ଛାଇ ଯାଇଥାଏ। ପିଲାମାନଙ୍କ ମଧ୍ୟରେ ସାନ୍ତାକ୍ଲଜର ମୁଖାକୃତି ଓ ଟୋପିକୁ ନେଇ ରୋଚକତା ଓ ଖୁସି ଦେଖିବାକୁ ମିଳିଥାଏ।
ଆଲେଖ୍ୟ- ପ୍ରତିଜ୍ଞା ମିଶ୍ର
