ଚୌଦ୍ୱାର : ଚୌଦ୍ୱାର ତେଲୁଗୁ ସମ୍ପ୍ରଦାୟ ତରଫରୁ ଆରାଧ୍ୟା ଦେବୀ ମା’ ନାଲ୍ଲାରାମା ଠାକୁରାଣୀଙ୍କ ପୂଜା ଉତ୍ସବ ଆଡ଼ମ୍ବର ସହକାରେ ପାଳିତ ହୋଇ ଯାଇଛି । ଓଟିଏମ୍ କଲୋନୀସ୍ଥିତ ତେଲୁଗୁ କ୍ଲବ୍ ଆନୁକୁଲ୍ୟରେ ଆୟୋଜିତ ଏହି ଉତ୍ସବରେ ସମ୍ପ୍ରଦାୟର ମହିଳା, ପିଲା,ଯୁବକ ଓ ବରିଷ୍ଠ ନାଗରିକମାନେ କ୍ଲବ୍ ପରିସରରୁ ବାହାରି ବର୍ଣ୍ଣାଢ଼୍ୟ କଳସ ଶୋଭାଯାତ୍ରାରେ ଯାଇ ୧୨ ନମ୍ବର ୱାର୍ଡ଼ ବାଟବୁଢ଼ୀ କଲେନୀସ୍ଥିତ ମା’ ବାଟବୁଢ଼ୀ ଠାକୁରାଣୀଙ୍କୁ ପବିତ୍ର ସ୍ନାନ କରାଇବା ସହିତ ପୂଜାର୍ଚ୍ଚନା କରିଥିଲେ । ପରେ ମା’ଙ୍କୁ ଆବାହନ କରି ତାଙ୍କ ମୃଣ୍ମୟୀ ପ୍ରତିମାକୁ ଶୋଭାଯାତ୍ରାରେ ଆଣି ଓଟିଏମ୍ କଲୋନୀ ପରିକ୍ରମାକରି ଘରଘର ବୁଲି ଭୋଗ ଖୁଆଇଥିଲେ। ଦୀର୍ଘ ୩ ଦିନ ଧରି ଅନୁଷ୍ଠିତ ଏହି ଉତ୍ସବର ଶେଷ ଦିନ ମଙ୍ଗଳବାର ସଧ୍ୟାରେ କ୍ଲବ୍ ପରିସରରେ ଥିବା ମଣ୍ଡପରେ ୨୦୦୦ଦୀପ ଲଗାଯାଇ ଚଣ୍ଡୀ ପାଠ ସହିତ ମା’ଙ୍କୁ ପୂଜାର୍ଚ୍ଚନା କରି ମେଲାଣୀ ଦିଆ ଯାଇଥିଲା । ଏହି ଅବସରରେ ବର୍ଣ୍ଣାଢ଼୍ୟ ଶୋଭାଯାତ୍ରା, ବାଦ୍ୟ ବିଚିତ୍ରା ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଚୌଦ୍ୱାର ଅଞ୍ଚଳର ହଜାର ହଜାର ସଂଖ୍ୟାରେ ତେଲୁଗୁ ସମ୍ପ୍ରଦାୟର ଲୋକ ଏହି ଉତ୍ସବରେ ଯୋଗଦେଇଥିଲେ ।
Popular Categories
Previous article
Next article