ଚେନ୍ନଇ : ଚେନ୍ନଇର ଏକ ମାଜିଷ୍ଟ୍ରେଟ୍ ସ୍ତରୀୟ ଅଦାଲତ ପୂର୍ବତନ କେନ୍ଦ୍ରମନ୍ତ୍ରୀ ପି. ଚିଦମ୍ବରମ୍ଙ୍କ ପରିବାରର ସଦସ୍ୟମାନଙ୍କୁ ଏକ କଳାଧନ ମାମଲାରେ ଆସନ୍ତା ମାସ ୨୦ ତାରିଖରେ ଅଦାଲତରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି। ଚିଦାମ୍ବରମ୍ଙ୍କ ପତ୍ନୀ ନଳିନୀ, ପୁତ୍ର କାର୍ତ୍ତି ଓ ପୁତ୍ରବଧୂ ଶ୍ରୀନିଧିଙ୍କୁ ବ୍ୟକ୍ତିଗତ ଭାବେ ହାଜର ହେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ପୂର୍ବରୁ ସେମାନେ କୋର୍ଟରେ ହାଜର ହେବାରେ ବିଫଳ ହୋଇଥିବାରୁ କୋର୍ଟ ଏଭଳି ନିର୍ଦ୍ଦେଶ ଦେଇଛନ୍ତି।
ଆୟକର ବିଭାଗର କହିବା ଅନୁସାରେ କାର୍ତ୍ତି ବ୍ରିଟେନ୍ରେ ଥିବା ତାଙ୍କର ବ୍ୟାଙ୍କ୍ ଜମାଖାତା ଓ ଆମେରିକାରେ କରିଥିବା ପୁଞ୍ଜିନିବେଶ ବିଷୟରେ ଜଣାଇ ନାହାନ୍ତି। ଆୟକର ବିଭାଗ କହିଛି, ତାଙ୍କ ମାଲିକାନାରେ ଥିବା ଚେସ୍ ଗ୍ଲୋବାଲ୍ ଆଡ୍ଭାଇଜରୀ କମ୍ପାନୀର ପୁଞ୍ଜିନିବେଶ ବିଷୟରେ ମଧ୍ୟ କାର୍ତ୍ତି କୌଣସି ତଥ୍ୟ ଦେଇନାହାନ୍ତି, ଯାହା କଳାଧନ ନିବାରଣ ଆଇନ ଅନୁସାରେ ଏକ ଅପରାଧ।