ଚାନ୍ଦବାଲି: ଚାନ୍ଦବାଲି ଏନ୍ଏସିର ସତ୍ୟନାରାୟଣ କଲୋନୀରେ ବିଦ୍ୟୁତ ତାର ଉପରେ ଯାଇଥିବା ଲତା କାଟିବା ବେଳେ ବିଦ୍ୟୁତ୍ ଆଘାତରେ ଜଣେ ଲାଇନ ମ୍ୟାନଙ୍କ ମୃତ୍ୟୁ ଘଟିଛି। ଏହାକୁ ନେଇ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି।
ତଥ୍ୟ ଅନୁଯାୟୀ, ଚାନ୍ଦବାଲି ସେକ୍ସନରେ କାମ କରୁଥିବା ରାଜକନିକା ବ୍ଲକ ଅନ୍ତର୍ଗତ ବଙ୍ଗର କୁଆଁ ଗ୍ରାମର ପ୍ରଭାକର ନାୟକଙ୍କ ପୁତ୍ର ରାଜେଶ ନାୟକ(୩୬) ଏହି ଲତା କାଟୁଥିବା ବେଳେ ବିଦ୍ୟୁତ୍ ସଂସ୍ପର୍ଶରେ ଆସିବାରୁ ତଳେ ପଡି ଯାଇଥିଲେ। ଲୋକମାନେ ତାଙ୍କୁ ଡାକ୍ତରଖାନାକୁ ନେବା ବେଳକୁ ତାଙ୍କର ମୃତ୍ୟୁ ଘଟିଥିଲା। କ୍ଷତିପୂରଣ ନମିଳିଲେ ପରିବାର ବର୍ଗ ମୃତଦେହକୁ ନେଇ ଟାଟା ପାୱାର ଅଫିସ ଆଗରେ ଧାରଣା ଦେବେ ବୋଲି ପରିବାର ଲୋକେ କହିଛନ୍ତି। ବିଭାଗ ତରଫରୁ ଆଲୋଚନା ଚାଲିଥିବା ଜଣାପଡ଼ିଛି।
Comments are closed.