ନୂଆଦିଲ୍ଲୀ : ଦେଶର ସୀମା ଇତିହାସ ଲେଖିବାପାଇଁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଅନୁମତି ଦେଇଛନ୍ତି। ଭାରତୀୟ ଇତିହାସ ଗବେଷଣା ପରିଷଦ, ନେହେରୁ ସ୍ମାରକୀ ସଂଗ୍ରହାଳୟ ଓ ପାଠାଗାର, ଅଭିଲେଖାଗାର ମହାନିର୍ଦ୍ଦେଶାଳୟ, ସ୍ୱରାଷ୍ଟ୍ର ମନ୍ତ୍ରଣାଳୟ,
ବୈଦେଶିକ ମନ୍ତ୍ରଣାଳୟ ଓ ପ୍ରତିରକ୍ଷା ମନ୍ତ୍ରଣାଳୟର ବିଶିଷ୍ଟ ବ୍ୟକ୍ତିମାନଙ୍କ ସହ ମଙ୍ଗଳବାର ବୈଠକ ସମୟରେ ଦେଶର ସୀମାରେଖା ଇତିହାସ ଲେଖିବାପାଇଁ ନିଷ୍ପତ୍ତି ନିଆଯାଇଥିଲା। ସୀମାରେଖା ଆରମ୍ଭ ଓ ଶେଷ, ସୀମାରେଖା ପରବର୍ତ୍ତନ, ନିରାପତ୍ତା ବାହିନୀର ଭୂମିକା, ସୀମାରେଖା ଅଞ୍ଚଳରେ ରହୁଥିବା ମୂଳବାସିନ୍ଦା, ସଂସ୍କୃତି ଓ ସେମାନଙ୍କର ସାମାଜିକ ଓ ଆର୍ଥନୀତିକ ଜୀବନ
ସଂକ୍ରାନ୍ତ ଇତିହାସ ଲେଖାଯିବ।
ଦୁଇ ବର୍ଷ ଭିତରେ ଏହି ପ୍ରକଳ୍ପ ଶେଷ ହେବ। ଶ୍ରୀ ସିଂହ କହିଛନ୍ତି, ଦେଶବାସୀ ଓ ସରକାରୀ ଅଧିକାରୀମାନଙ୍କୁ ସୀମାରେଖା ସଂକ୍ରାନ୍ତରେ ଏହି ପୁସ୍ତକ ସବିଶେଷ ସୂଚନା ପ୍ରଦାନ କରିବାରେ ସହାୟକ ହେବ।
