ନୂଆଦିଲ୍ଲୀ : କୋଟିରୁ ଅଧିକ ଟଙ୍କାର ବ୍ୟାଙ୍କ ଜାଲିଆତି ଘଟଣାରେ ଆଜି କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ପକ୍ଷରୁ ଦେଶବ୍ୟାପୀ ଚଢ଼ଉ କରାଯାଇଛି। ସିବିଆଇ ୮ ସ୍ଥାନରେ ଏହି ଚଢ଼ଉ କରି ଦିଲ୍ଲୀ ଭିତ୍ତିକ ଏକ ଦୁଗ୍ଧ କମ୍ପାନୀର ଏବଂ ଏହାର ନିର୍ଦେଶକଙ୍କୁ ଗିରଫ କରିଛି। କମ୍ପାନୀର ନିର୍ଦେଶକ ସଞ୍ଜୟ ଧିଙ୍ଗରା, ସିଦ୍ଧାନ୍ତ ଗୁପ୍ତା ଏବଂ ଅରୁଣ ଶ୍ରୀବାସ୍ତବଙ୍କ ବିରୋଧେର ତଦନ୍ତକାରୀ ଏଜେନ୍ସି ମାମଲା ରୁଜୁ କରିଛି। ଏମାନଙ୍କ ବିରୋଧରେ ବ୍ୟାଙ୍କ ଅଫ୍ ଇଣ୍ଡିଆ (ବିଓବି) ନେତୃତ୍ବାଧୀନ କନ୍ସୋର୍ଟିୟମ୍କୁ ଉକ୍ତ ଠକେଇ ପାଇଁ ୧୪୦୦ କୋଟି ଟଙ୍କାରୁ ଅଧିକ ମୂଲ୍ୟର କ୍ଷତି ଘଟିଥିବା ଅଭିଯୋଗ ହୋଇଛି। ଏହି କନ୍ସୋର୍ଟିୟମ୍ରେ ବିଓବି ବ୍ୟତୀତ କାନରା ବ୍ୟାଙ୍କ,ବିଓବି, ଆନ୍ଧ୍ର ବ୍ୟାଙ୍କ, କର୍ପୋରେଶନ୍ ବ୍ୟାଙ୍କ, ଆଇଡିବିଆଇ, ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ,ଧନଲକ୍ଷ୍ମୀ ବ୍ୟାଙ୍କ ଏବଂ ସିଣ୍ଡିକେଟ୍ ବ୍ୟାଙ୍କ ରହିଛନ୍ତି। ଅଭିଯୁକ୍ତମାନେ କନ୍ସୋର୍ଟିୟମ୍କୁ କ୍ଷଣ ଠକେଇ ଜରିଆରେ ମୋଟ ୧୪୦୦.୬୨ କୋଟି ଟଙ୍କାର କ୍ଷତି ପହଞ୍ଚାଇଥିବା ସିବିଆଇର ପ୍ରବକ୍ତା ଆର୍.କେ. ଗୌର କହିଛନ୍ତି। ସିବିଆଇେ ଆଜି ଦିଲ୍ଲୀ, ସାହାରନପୁର, ବୁଲନ୍ଦସର(ଉତ୍ତର ପ୍ରଦେଶ), ଆଜମୀର(ରାଜସ୍ତାନ), ପଲୱାଲ(ହରିୟାଣା) ଆଦି ୮ଟି ସ୍ଥାନରେ କମ୍ପାନୀ ଏବଂ ମାମଲାର ଅଭିଯୁକ୍ତଙ୍କ ଘରେ ଚଢ଼ଉ କରିଥିଲା।
Popular Categories
Previous article
Next article