ଲକ୍ଷ୍ନୌ : ନାଗରିକତ୍ୱ ସଂଶୋଧନ ଅଧିନିୟମ (ସିଏଏ) ଲାଗୁ ହେବା ପରେ ସାରା ଦେଶରେ ବିରୋଧ ପ୍ରଦର୍ଶନ କରାଯାଇଥିଲା। ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌ ସମେତ ଅନେକ ଜିଲ୍ଲାରେ ସିଏଏ ବିରୋଧରେ ମଧ୍ୟ ବିକ୍ଷୋଭ ପ୍ରଦର୍ଶନ କରାଯାଇଥିଲା। ବିକ୍ଷୋଭ ସମୟରେ ହିଂସା ମଧ୍ୟ ଦେଖାଯାଇଥିଲା। ଏହି ହିଂସା ମାମଲାରେ ସଂପୃକ୍ତ ଥିବା ଅଭିଯୁକ୍ତଙ୍କ ଅଡୁଆ ବଢିଯାଇଛି। ଏହି ମାମଲାରେ ୟୁପି ପୁଲିସ ଚାର୍ଜସିଟ ଦାଖଲ କରିଥିବା ସୂଚନା ମିଳିଯାଇଛି।
ଲକ୍ଷ୍ନୌ ତଥା ଅନ୍ୟାନ୍ୟ ଜିଲ୍ଲାରେ ହିଂସା ଓ ଅଗ୍ନିକାଣ୍ଡ ମାମଲାରେ ମୋଟ ୪୭୫୧ ଜଣ ଆନ୍ଦୋଳନକାରୀଙ୍କ ବିରୋଧରେ ୟୁପି ପୁଲିସ ଚାର୍ଜସିଟ ଦାଖଲ କରିଛି। ଚାର୍ଜସିଟରେ ମଧ୍ୟ ଅଗ୍ନିକାଣ୍ଡ ଯୋଗୁଁ ଅଭିଯୁକ୍ତକୁ କ୍ଷତିପୂରଣ ଦେବାକୁ କୁହାଯାଇଛି। ୟୁପି ସରକାର ମନ୍ତ୍ରୀ ଶ୍ରୀକାନ୍ତ ଶର୍ମା କହିଛନ୍ତି ଯେ ହିଂସା ଘଟାଇଥିବା ଲୋକଙ୍କୁ ଛଡାଯିବ ନାହିଁ।
ସୂଚନାଯୋଗ୍ୟ ଯେ, ସିଏଏ ବିରୋଧ ସମୟରେ ହିଂସା ସୃଷ୍ଟି ହୋଇଥିଲା। ଏହି ସମୟ ମଧ୍ୟରେ ବିକ୍ଷୋଭକାରୀମାନେ ମଧ୍ୟ ଗୁଳି ଚଳାଇଥିଲେ। ବିଭିନ୍ନ ସ୍ଥାନରେ ଅଭଗ୍ନିକାଣ୍ଡ ଘଟିଥିଲା। ଏହି ଅଗ୍ନିକାଣ୍ଡରେ ସରକାରୀ ତଥା ଅଣ-ସରକାରୀ ସମ୍ପତ୍ତିରେ ବ୍ୟାପକ କ୍ଷୟକ୍ଷତି ହୋଇଥିଲା। ସିଏଏ ବିରୋଧୀ ପ୍ରଦର୍ଶନ ସମୟରେ କୋଟି କୋଟି ସମ୍ପତ୍ତି ନଷ୍ଟ ହୋଇଥିଲା। ଯୋଗୀ ସରକାର ଏ ସମ୍ପର୍କରେ କଠୋର ଆଭିମୁଖ୍ୟ ଗ୍ରହଣ କରିଥିଲେ।
ପୂର୍ବରୁ ଏହି ମାମଲାରେ ପୁଲିସ ଅନେକ ଲୋକଙ୍କ ବିରୋଧରେ ମାମଲା ରୁଜୁ କରି ଗିରଫ କରିଥିଲା। ରାଜଧାନୀ ଲକ୍ଷ୍ନୌରେ ହିଂସା ଏବଂ ଅଗ୍ନିକାଣ୍ଡ ମାମଲାରେ ଅଭିଯୁକ୍ତଙ୍କ ପୋଷ୍ଟର ମଧ୍ୟ ବିଭିନ୍ନ ଛକରେ ଲଗାଯାଇଥିଲା।
Comments are closed.