ଯାତ୍ରୀବାହୀ ବସରେ ଅଗ୍ନିକାଣ୍ଡ ଘଟଣା, ଜଣେ ମୃତ
ସମସ୍ତ ଓଡ଼ିଆ ଯାତ୍ରୀଙ୍କ ଫେରିବା ବ୍ୟବସ୍ଥା କରୁଛି ବାଲେଶ୍ବର ଜିଲ୍ଲା ପ୍ରଶାସନ
ଡେସ୍କ : ପଶ୍ଚିମବଙ୍ଗରୁ ଓଡ଼ିଶା ଆସୁଥିବା ଯାତ୍ରୀବାହୀ ବସରେ ଅଗ୍ନିକାଣ୍ଡ ଘଟଣାରେ ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି । ମୃତ ମହିଳା ଜଣଙ୍କ ହେଉଛନ୍ତି ପୁଷ୍ପାଞ୍ଜଳି ଦାସ । ତାଙ୍କ ଘର କେନ୍ଦ୍ରାପଡା ଜିଲ୍ଲା ନୋଳିଆ ଗାଁରେ। ନିଆଁ ଲାଗିଥିବା ବସ୍ରେ ୩୮ଜଣ ଯାତ୍ରୀ ଥିଲେ ବୋଲି ସୂଚନା ମିଳିଛି। ସେମାନଙ୍କ ମଧ୍ୟରୁ ୩୧ ଜଣ ଓଡ଼ିଶାର ଯାତ୍ରୀ ଥିବା ଜଣାପଡିଛି।
ଅଗ୍ନିକାଣ୍ଡ ପରେ ଆହତମାନଙ୍କୁ ଉଦ୍ଧାର କରାଯାଇ ମେଦିନାପୁର ଓ ଖଡଗପୁର ହସ୍ପିଟାଲରେ ଭର୍ତ୍ତି କରାଯାଇଥିଲା। ବାଲେଶ୍ବର ଜିଲ୍ଲାର କିଛି ପ୍ରଶାସନିକ ଅଧିକାରୀ ସେଠାରେ ପହଞ୍ଚି ଆହତ ଯାତ୍ରୀମାନଙ୍କ ଚିକିତ୍ସା ବ୍ୟବସ୍ଥା ଅନୁଧ୍ୟାନ କରିବା ସହ ସମସ୍ତ ଓଡ଼ିଆ ଯାତ୍ରୀଙ୍କ ଫେରିବା ବ୍ୟବସ୍ଥା କରୁଛନ୍ତି।
ତେବେ ବସ୍ରେ କେମିତି ନିଆଁ ଲାଗିଲା, ସେନେଇ ସ୍ପଷ୍ଟ ସୂଚନା ମିଳିପାରିନାହିଁ । ବସ୍ଟି ଗତକାଲି ରାତିରେ କଲକାତାର ବାବୁଘାଟରୁ ପାରାଦୀପ ଆସୁଥିଲା। ଖଡ଼ଗପୁର ଗ୍ରାମୀଣ ଥାନା ମାଦପୁର ନିକଟରେ ରାତି ପ୍ରାୟ ସାଢ଼େ ୯ରୁ ୧୦ଟା ମଧ୍ୟରେ ଏହି ଭୟଙ୍କର ଅଗ୍ନିକାଣ୍ଡ ହୋଇଥିଲା। ବାଟରେ ବସ୍ଟି ହୁତୁହୁତୁ ହୋଇ ଜଳି ଯାଇଥିଲା ।
Comments are closed.