ବୁଗୁଡ଼ା : ବୁଗୁଡ଼ା ଥାନା ଅନ୍ତର୍ଗତ କୁଶପଲ୍ଲୀ ଗ୍ରାମରେ ନବ ବଧୂକୁ ବିଷ ଦେଇ ହତ୍ୟା କରିଥିବା ଅଭିଯୋଗରେ ବୁଗୁଡ଼ା ପୋଲିସ ଶୁକ୍ରବାର ଦିନ ତାଙ୍କ ସ୍ବାମୀଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି। ଗିରଫ ସ୍ବାମୀ ଜଣକ ହେଲେ କୁଶପଲ୍ଲୀ ଗ୍ରାମର ଜିତେନ୍ଦ୍ର ବିଷୋୟୀ। ଏନେଇ ବୁଗୁଡ଼ା ଥାନାରେ କେସ୍ ନଂ ୪୫/୨୧ରେ ଏକ ହତ୍ୟା ମାମଲା ରୁଜୁ ହୋଇଛି।
ପ୍ରକାଶ ଯେ କୁଶପଲ୍ଲୀ ଗ୍ରାମର ଗୌରାଙ୍ଗ ବିଷୋୟୀଙ୍କ ପୁଅ ଜିତେନ୍ଦ୍ରଙ୍କ ସହ ଗାଙ୍ଗପୁର ଥାନା ଅନ୍ତର୍ଗତ ବଡବୋରସିଂ ଗ୍ରାମର ପ୍ରମିଳା ପୋଲେଇଙ୍କ ଝିଅ ପ୍ରିୟଙ୍କା (୨୧)ଙ୍କ ବିବାହ ଗତ ୦୯.୧୨.୨୦୨୦ରେ ହୋଇଥିଲା। ବିବାହ ସମୟରେ ଦାବୀ ମୁତାବକ ବିଭିନ୍ନ ପ୍ରକାର ଯୌତୁକ ଦିଆଯାଇଥିଲେ ହେଁ ଅତ୍ଯଧିକ ଯୌତୁକ ଲୋଭରେ ବୋହୂ ପ୍ରିୟଙ୍କା ଉପରେ ଶାରୀରିକ ଓ ମାନସିକ ନିର୍ଯ୍ୟାତନା ଦିଆଯାଉଥିଲା। କୌଣସି କାରଣରୁ ଗତ ୧ ତାରିଖ ରାତିରେ ବିଷ ପ୍ରକିୟା ଯୋଗୁଁ ପ୍ରିୟଙ୍କା ମୃତ୍ୟୁ ବରଣ କରିଥିଲେ। ଏହାକୁ ନେଇ ତାଙ୍କ ମାଆ ପ୍ରମିଳା ପୋଲେଇ ଝିଅକୁ ଶାଶୁଘର ଲୋକେ ବିଷ ଦେଇ ମାରି ଦେଇଛନ୍ତି ବୋଲି ୪ ତାରିଖରେ ବୁଗୁଡ଼ା ଥାନାରେ ଅଭିଯୋଗ କରିଥିଲେ।
