ଲାଞ୍ଜିଗଡରେ ୫ଦିନ ହେଲା ନାହିଁ ବିଏସଏନଏଲ ନେଟୱର୍କ

ଲାଞ୍ଜିଗଡ: ଲାଞ୍ଜିଗଡ ଏକ ଶିଳ୍ପାଞ୍ଚଳ ହୋଇଥିବା ବେଳେ ଅନେକ ଲୋକ ବିଭିନ୍ନ ପ୍ରକାର ସିମ ବ୍ୟବହାର କରିଥାନ୍ତି। ସେଥିମଧ୍ୟରୁ ବିଏସଏନଏଲ କମ୍ପାନୀ ସିମ ଅନ୍ୟତମ ଏବଂ ଏହାବୁ ଲୋକେ ବହୁଳ ଭାବେ ବ୍ୟବହାର କରୁଛନ୍ତି। ବିଏସଏନଏଲ ଏକ ପୁରୁଣା ଟେଲିକମ କମ୍ପାନୀ ହୋଇଥିବା ବେଳେ ଲୋକେ ଏହି ସିମକୁ ବହୁଳ ବ୍ୟବହାର କରିଥାନ୍ତି। ଏପରିକି ଅଫିସମାନଙ୍କରେ ମଧ୍ୟ ଅଧିକରୁ ଅଧିକତର ଏହି ବିଏସଏନଏଲ ନେଟର ବ୍ୟବହାର କରାଯାଇଥାଏ । ତେବେ ଏହି କମ୍ପାନୀ ଲୋକଙ୍କୁ ଠିକ ଭାବରେ ଗ୍ରାହକ ସେବା ଯୋଗାଇ ପାରୁନାହିଁ। କେତେବେଳେ ନେଟୱର୍କ ରହୁଛି ତ କେତେବେଳେ ରହୁନାହିଁ। ଆଜିକୁ ୫ଦିନ ହେଲା ଲାଞ୍ଜିଗଡରେ ବିଏସଏନଏଲର ନେଟୱକ ନାହିଁ। ଫଳରେ ଲୋକଙ୍କ ଯୋଗାଯୋଗରେ ବିଛିନ୍ନ ଘଟିଛି। ବାରମ୍ବାର ଅଭିଯୋଗ କଲେ ମଧ୍ୟ କୋଣସି ସୁଫଳ ମିଳୁନାହିଁ। ଲାଞ୍ଜିଗଡ ସହରରେ ଲୋକେ ଅଧିକ ମାତ୍ରାରେ ଏହି ସିମ କାର୍ଡ ବ୍ୟବହାର କରୁଛନ୍ତି। ତେବେ ଉପଯୁକ୍ତ ଗ୍ରାହକ ସେବା ମିଳୁନଥିବା ଅଭିଯୋଗ ହୋଇଛି।

 

୫ଦିନ ହେଲା ନେଟ କାମ ହୋଇପାରୁନାହିଁ । ଏହାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷର ବାତାବରଣ ଦେଖାଦେଇଛି । ଲାଞ୍ଜିଗଡ ବ୍ଲକର ଘାଟି ଅଂଚଳରେ ଥିବା ମୁଷନାଳ ଓ ବିଜେପୁର ଠାରେ ମଧ୍ୟ ଟାୱାର ସ୍ଥାପନ କରାଯାଇଛି। ତାହା ନାମକୁ ମାତ୍ର ଫୋର ଜି ନେଟ କଥା କୁହାଯାଉଛି। ନେଟ କାମ ଥିଲେ ଲୋକେ ହାତିଶାଲ ଘାଟିକୁ ଆସି ନିଜ କାମ କରୁଥିବା ଦେଖିବାକୁ ମିଳୁଛି। ସରକାର କୋଟି କୋଟି ଟଙ୍କା ଖର୍ଚ୍ଚ କରି ବିଭିନ୍ନ ସ୍ଥାନରେ ଟାୱାର ସ୍ଥାପନ କରିଛନ୍ତି। ସରକାରୀ ବାବୁଙ୍କ ଇଛା ଶକ୍ତିର ଅଭାବ ଯୋଗୁଁ ତାହା ବାଟବଣା ହେବାରେ ଲାଗିଛି। ଏବେ ଲୋକେ ଏହି କମ୍ପାନୀ ପ୍ରତି ବିମୁଖ ହେଉଛନ୍ତି। ଲାଞ୍ଜିଗଡ ସହରବାସୀ ଏହାକୁ ନେଇ ଆନ୍ଦୋଳନ ପାଇଁ ସଜବାଜ ହେବାକୁ ବସିଲେଣି। ଉଚ୍ଚ କର୍ତ୍ତୃପକ୍ଷ ଏହି ସମସ୍ୟାର ତୁରନ୍ତ ସମାଧାନ ପାଇଁ ଦୃଷ୍ଟି ଦେବାକୁ ସ୍ଥାନୀୟ ଜନସାଧାରଣ ନିବେଦନ କରିଛନ୍ତି।

Comments are closed.