ଜାମ୍ମୁ-କଶ୍ମୀର: ସୀମା ସୁରକ୍ଷା ବଳ(ବିଏସ୍ଏଫ୍) ଓ କେନ୍ଦ୍ରୀୟ ଶିଳ୍ପ ସୁରକ୍ଷା ବଳ(ସିଆଇଏସ୍ଏଫ୍)ରେ ଝିଅମାନଙ୍କୁ ନିଯୁକ୍ତି ଦେବା ପାଇଁ ପ୍ରକ୍ରିୟା ଆରମ୍ଭ ହୋଇଛି। ଏହାକୁ ନେଇ ଝିଅମାନଙ୍କ ମଧ୍ୟରେ ଖୁବ୍ ଉତ୍ସାହ ଦେଖିବାକୁ ମିଳିଛି। ଗୁରୁବାର ବିଏସ୍ଏଫ୍ର ପନ୍ଥି କ୍ୟାମ୍ପସରେ ଝିଅମାନଙ୍କ ନିଯୁକ୍ତି ରାଲି ଆରମ୍ଭ ହୋଇଛି। ଏଥିରେ ଜାମ୍ମୁ-କଶ୍ମୀର ସ୍ଥିତ କଠୁଆ ଓ ସାମ୍ବା ଜିଲାର ଯୁବତୀମାନେ ଭାଗ ନେଇଥିଲେ। ପ୍ରାୟ ୧୭୨୭ ସଂଖ୍ୟକ ଯୁବତୀ ଏଥିପାଇଁ ପଞ୍ଜିକରଣ କରିଥିଲେ। ପ୍ରଥମ ଦିନରେ ୪୪୩ ଜଣ ଶାରୀରିକ ପରୀକ୍ଷାରେ ଭାଗ ନେଇଥିଲେ। ଏମାନଙ୍କ ମଧ୍ୟରୁ ୧୪୭ ଜଣ ଏହି ପରୀକ୍ଷାରେ ଉତ୍ତୀର୍ଣ୍ଣ ହୋଇ ଆଗାମୀ ପ୍ରସ୍ତୁତି ଆରମ୍ଭ କରି ଦେଇଛନ୍ତି। ଆଗକୁ ସ୍ୱାସ୍ଥ୍ୟ ପରୀକ୍ଷା ପରେ ଲିଖିତ ପରୀକ୍ଷା ହେବ। ଶାରୀରିକ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା କଠୁଆର ଶାଲୁ, ରୁଚିକା ନାମକ ଦୁଇ ଯୁବତୀ ନିଜର ଖୁସି ବ୍ୟକ୍ତ କରିଛନ୍ତି। ପିଲାଦିନୁ ସେମାନେ ଏହି ଦିଗ ପ୍ରତି ଆକୃଷ୍ଟ ଥିଲେ ଓ ଧିରେଧିରେ ତାଙ୍କ ସ୍ୱପ୍ନ ସାକାର ହେଲା ଭଳି ସେମାନେ ଅନୁଭବ କରୁଥିବା କହିଛନ୍ତି।
Comments are closed.