ବ୍ରାସିଲିଆରେ ବ୍ରିକ୍ସ ନେତାମାନଙ୍କ ସହ ଆଲୋଚନା କରିବେ ମୋଦୀ

ବ୍ରାସିଲିଆ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ବ୍ରାସିଲିଆରେ ବ୍ରିକ୍ସ ନେତାମାନଙ୍କ ସହ ଶିଖର ବୈଠକସ୍ତରୀୟ କଥାବାର୍ତ୍ତା କରିବେ। ପ୍ରଥମେ ନେତାମାନେ ଏକ ରୁଦ୍ଧଦ୍ୱାର ବୈଠକରେ ଆଲୋଚନା କରିବେ ଓ ପରେ ପୂର୍ଣ୍ଣାଙ୍ଗ ଅଧିବେଶନ ଆରମ୍ଭ ହେବ। ପରେ ନେତୃବୃନ୍ଦ ବ୍ରିକ୍ସ ବ୍ୟବସାୟିକ ପରିଷଦ ଓ ନିଉ ଡେଭଲପମେଣ୍ଟ ବ୍ୟାଙ୍କ ସହ କଥାବାର୍ତ୍ତା କରିବେ। ବ୍ୟବସାୟିକ ପରିଷଦ ଓ ନିଉ ଡେଭଲପମେଣ୍ଟ ବ୍ୟାଙ୍କ ସେମାନଙ୍କର ରିପୋର୍ଟ ନେତାମାନଙ୍କୁ ଦାଖଲ କରିବେ। ଆଜିର ଶିଖର ବୈଠକସ୍ତରୀୟ କଥାବାର୍ତ୍ତାରେ ନେତାମାନେ ସେମାନଙ୍କର ଭିଜନଗୁଡ଼ିକୁ ଉପସ୍ଥାପନ କରିବେ। ଚଳିତବର୍ଷ ବ୍ରିକ୍ସ ନବୀକରଣ ନେଟୱର୍କ, ବ୍ରିକ୍ସ ଭବିଷ୍ୟତ ନେଟୱାର୍କ ପ୍ରତିଷ୍ଠାନ ଓ ମହିଳା ବ୍ୟବସାୟିକ ମେଣ୍ଟର ଗଠନ ହେବ।